Иоан 8:28 - Коми Библия 2023

²⁸ Исус шуис налы: «Морт Пиӧс кыпӧдӧм бӧрын ті тӧдмаланныд, мый Ме збыльысь Сійӧ, кодӧн шуа Ачымӧс. Ме нинӧм ог вӧч Ассянь, Ме висьтала сӧмын сійӧ, мыйӧ велӧдіс Менӧ Батьӧй.

Иоан 8:28 Iomraidhean Croise

Петӧм 3:14

Ен шуис Мӧисейлы: «Ме Сійӧ, коді эм. Висьтав Израиль пиянлы, мый тэнӧ мӧдӧдіс Сійӧ, кодлӧн нимыс ”Ме эм”».

Матвей 24:5

Унаӧн Менам нимӧн локтасны да шуасны, ме пӧ Кристос, да унаӧс ылӧдасны.

Марк 13:6

Унаӧн Менам нимӧн локтасны да шуасны, ме пӧ Сійӧ, да унаӧс ылӧдасны.

Лука 21:8

Исус шуис: «Видзчысьӧй, мед эз ылӧдны тіянӧс. Унаӧн Менам нимӧн локтасны да шуасны, ме пӧ Сійӧ, кадыс пӧ воис нин. Энӧ мунӧй на бӧрся.

Иоан 11:42

Ме тӧда, мый Тэ век кылан Менӧ. Но тайӧс Ме шуи тані сулалысь йӧзыс вӧсна, медым найӧ эскисны, мый Тэ Менӧ мӧдӧдін».

Иоан 13:19

Ме водзвыв висьтала тайӧс, медым лоӧм бӧрас ті эскинныд, мый Ме збыльысь Сійӧ, кодӧн Ачымӧс шуа.

Иоан 16:10

Веськыдлуныс сыын, мый Ме муна Батьӧй дінӧ да ті онӧ нин аддзӧй Менӧ.

Иоан 18:32

Тадзи инісны Исуслӧн кывъясыс, кутшӧм ногӧн Сійӧ кулас.

Иоан 19:18

Сэні Сійӧс тувъялісны крестӧ. Сыкӧд орччӧн ӧтар-мӧдарсяньыс тувъялісны кык мортӧс, а шӧракостаныс – Исусӧс.

Иоан 3:11

Веськыда, веськыда висьтала тэныд: ми сёрнитам сы йылысь, мый тӧдам, висьталам сы йылысь, мый аддзылім, но ті миян висьталӧмӧ онӧ эскӧй.

Иоан 3:14

Кыдзи овтӧминын Мӧисей вывлань кыпӧдіс змейӧс, тадзи лоӧ кыпӧдӧма тшӧтш Морт Пиӧс,

Иоан 4:26

Исус шуис аньлы: «Тайӧ Ме, тэкӧд Сёрнитысьыс».

Иоан 5:19

Исус шуис налы: «Веськыда, веськыда висьтала тіянлы: Пиыс нинӧм оз вермы вӧчны Ассяньыс, оз кӧ аддзыв Батьыслысь вӧчӧмсӧ. Ӧд мый Батьыс вӧчӧ, сійӧс тшӧтш Пиыс вӧчӧ.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 8:24

Ме шуи тіянлы: ті куланныд мыж пытшканыд. Онӧ кӧ эскӧй, мый Ме збыльысь Сійӧ, кодӧн шуа Ачымӧс, куланныд мыж пытшканыд».

Иоан 8:27

Найӧ эз гӧгӧрвоны, мый Исус висьталӧ Батьыс йылысь.

Иоан 8:58

Исус шуис налы: «Веськыда, веськыда висьтала тіянлы: Ӧвраам чужтӧдз на Ме вӧлі».

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Ап. уджъяс 4:4

А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.