Иоан 6:64 - Коми Библия 2023

⁶⁴ Но кодсюрӧ тіян пиысь оз эскыны». Исус водзвыв тӧдіс, коді оз эскы Сылы да коді вузалас Сійӧс.

Иоан 6:64 Iomraidhean Croise

Матвей 10:4

Кананит Симон да Искариот Иуда, Исусӧс вузалысь.

Иоан 10:26

Но ті онӧ эскӧй, ӧд ті абу Менам ыжъяс. Тайӧс Ме висьтавлі нин тіянлы.

Иоан 18:4

Исус тӧдіс нин, мый лоӧ Сыкӧд, да воча петіс налы. Сійӧ юаліс: «Кодӧс ті корсянныд?»

Иоан 5:42

Ме тӧда тіянӧс: Енмыс тіянлы абу муса.

Иоан 6:36

Тіянлы Ме висьтавлі нин: ті аддзылінныд Менӧ, сӧмын онӧ эскӧй.

Иоан 6:60

Исуслысь висьталӧмсӧ кывзігӧн велӧдчысьяс пӧвстысь унаӧн шуасисны: «Кутшӧм гӧгӧрвотӧмторъяс Сійӧ висьталӧ! Коді вермас кывзыны тайӧс?»

Иоан 6:61

Исус тӧдіс, мый велӧдчысьясыс шуасьӧны, да шуис налы: «Тіянӧс ӧмӧй дӧзмӧдӧ Менам висьталӧмӧй?

Иоан 6:66

Та бӧрти велӧдчысьясысь унаӧн эновтісны Сійӧс, эз нин ветлӧдлыны Сыкӧд.

Иоан 8:23

Исус шуис налы: «Ті улісянь, а Ме вылісянь. Ті тайӧ муюгыдсьыс, а Ме абу тайӧ муюгыдсьыс.

Иоан 8:55

Ті онӧ тӧдӧй Сійӧс, а Ме тӧда. Ме кӧ шуа, мый ог тӧд Сійӧс, сэки лоа тіян кодь пӧръясьысьӧн. Но Ме тӧда Сійӧс да ола Сылӧн кывъясыс серти.

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

Римӧ 8:29

Сідзкӧ, кодъясӧс Енмыс водзысяньыс тӧдіс, найӧс и лӧсьӧдіс лоны Аслас Пи кодьӧн, медым Пиыс вӧлі медводдза чужысьӧн уна вок пӧвстын.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.