Иоан 3:19 - Коми Библия 2023

¹⁹ Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.

Иоан 3:19 Iomraidhean Croise

Шусьӧгъяс 2:13

веськыд туйсӧ эновтысь йӧзысь, пемыдыслӧн туйӧд ветлысь войтырысь.

Еремей 9:6

Тэ олан ылӧдчысьяс пӧвстын, найӧ ылӧдчӧны, оз кӧсйыны тӧдны Менӧ, – висьталӧ Господь.

Левит 11:16

страусӧс, сюзьӧс да каляӧс,

Левит 13:10

Видзӧдлӧм бӧрас кӧ поп аддзас, мый кучик вылас еджыд пыкӧс, кӧні тыдовтчӧ вируля яй, и ловгӧныс едждӧма,

Закар 14:19

Татшӧм мыждӧм суас египетсаӧс да мукӧд войтыръясӧс, кодъяс оз локны пасйыны Чом вӧчан лунъяс.

Лука 12:47

Кесйӧг кӧ тӧдӧ ыджыдыслысь кӧсйӧмсӧ да оз дасьтысь-вӧч сы ног, сійӧс чорыда нӧйтасны.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Иоан 1:4

Сы пытшкын вӧлі олӧм. Олӧмыс йӧзыслы вӧлі югыдӧн.

Иоан 1:5

Югыдыс пемыдас югдӧдӧ, сійӧс пемыдыс эз пӧдты.

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 12:43

Ӧд Енлӧн ошкӧм дорысь налы мусаджык вӧлі йӧзлӧн ошкӧмыс.

Иоан 12:46

Ме эм югыдыс. Ме локті му вылӧ, медым Меным эскысь эз коль пемыдас.

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Иоан 7:7

Тіянӧс йӧзыс оз мустӧмтны, а Менӧ мустӧмтӧны, ӧд Ме висьтала, мый налӧн уджъясыс лёкӧсь.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Иоан 9:5

Му вылын олігӧн Ме йӧзыслы югыдыс».

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Римӧ 2:8

Но чорыд скӧрлун виччысьӧ найӧс, кодъяс радейтӧны сӧмын асьнысӧ, кодъяс оз овны збыльыс серти, а сетчӧны ылӧгас.

2 Фессалоникаӧ 2:12

Тадзи лоӧ мыждӧма быдӧнӧс, коді радейтӧ ылӧгсӧ да оз эскы збыльыслы.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

2 Петыр 3:3

Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти.