Иоан 19:26 - Коми Библия 2023

²⁶ Мамсӧ да сыкӧд сулалысь муса велӧдчысьсӧ аддзигӧн Исус шуис мамыслы: «Аньӧй, тайӧ тэнад пиыд».

Иоан 19:26 Iomraidhean Croise

Иоан 13:23

Велӧдчысьяс пиысь ӧти, коді вӧлі муса Исуслы, нёровтчӧмӧн пукаліс Исус бердын.

Иоан 2:4

Исус вочавидзис: «Аньӧй, мый Меным таӧдз, ӧд Менам кадыс эз на во».

Иоан 20:2

Сэки котӧртіс Симон-Петыр дінӧ да сійӧ велӧдчысьыс дінӧ, коді вӧлі муса Исуслы, да шуис налы: «Господьтӧ нуӧмаӧсь дзебанінсьыс, но огӧ тӧдӧй, кытчӧ Сійӧс пуктӧмаӧсь».

Иоан 21:20

Петыр бергӧдчыліс бӧрланьыс да аддзис, мый на бӧрся локтӧ сійӧ велӧдчысьыс, коді вӧлі муса Исуслы. Рытъя сёйигӧн Исуслы морӧс бердас топӧдчӧмӧн буретш сійӧ юавліс: «Господьӧй, коді нӧ Тэнӧ вузалас?»

Иоан 21:24

Буретш сійӧ велӧдчысьыс висьталӧ та йылысь, и сійӧ гижис ставсӧ тайӧс. И ми тӧдам, мый сылӧн висьталӧмыс веськыд.

Иоан 21:7

Сэки велӧдчысьыс, коді вӧлі муса Исуслы, шуис Петырлы: «Тайӧ Господь». Симон-Петыр сэки вӧлі пӧрччысьӧма. Но кор кыліс, мый тайӧ Господь, сійӧ ӧдйӧ пасьтасис да чеччыштіс ваас.