Иоан 18:28 - Коми Библия 2023

²⁸ Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.

Иоан 18:28 Iomraidhean Croise

Шусьӧгъяс 1:16

Налӧн кокныс котӧртӧ лёксӧ вӧчны, тэрмасьӧ вир кисьтны.

Шусьӧгъяс 4:16

Найӧ оз вермыны унмовсьны, оз кӧ вӧчны лёксӧ, налӧн унмыс вошӧ, оз кӧ дойдны кодӧскӧ.

Езекиль 45:21

Медводдза тӧлысьлӧн дас нёльӧд лунӧ тіян мед лоас Ыджыд лун, сэки сизим лун чӧж гажӧдчӧй да сёйӧй шомтӧм нянь.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Матвей 27:27

Шыпуртаяс нуӧдісны Исусӧс юралысьлӧн керкаӧ, сэтчӧ вайӧдісны тышкайӧзӧс.

Марк 15:16

Шыпуртаяс нуӧдісны Исусӧс римса юралысьлӧн керка йӧрӧ, сэтчӧ вайӧдісны тышкайӧзӧс.

Лука 22:66

Асывнас чукӧртчисны юрнуӧдысьяс, аркирейяс да Индӧдӧ велӧдысьяс. Исусӧс вайӧдісны веськӧдлан котыр водзӧ.

Иоан 11:55

Матыстчис иудейяслӧн Ыджыд лун. Сиктъясысь унаӧн локтісны Ерусалимӧ, медым сӧстӧммӧдчыны Ыджыд лун водзвылын.

Иоан 18:13

нуӧдісны медводз Аннас дінӧ, Каиаф гӧтырлӧн бать дінӧ. Сійӧ вонас Каиаф аркиреяліс.

Иоан 18:15

Симон-Петыр да нӧшта ӧти велӧдчысь мунісны Исус бӧрся. Тайӧ велӧдчысьыс вӧлі тӧдса аркирейлы, та вӧсна сійӧ пырис Исускӧд аркирей йӧр пытшкӧ.

Иоан 18:33

Пилат бӧр пырис керкаӧ, корис ас дінас Исусӧс да юаліс: «Тэ-ӧ иудейяслӧн Ӧксыыс?»

Иоан 18:39

Тіян кӧсйӧм серти Ыджыд лун водзвылын быд во ме лэдза дзескыдінысь ӧти мортӧс. Кӧсъянныд-ӧ, медым ме лэдзи тіянлы иудейяслысь Ӧксысӧ?»

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Иоан 19:14

Тайӧ вӧлі Ыджыд лунлы паныд, луншӧрнас. Пилат шуис иудейяслы: «Со, тіян Ӧксыныд!»

Иоан 19:9

Сійӧ пырис керкаас да юаліс Исуслысь: «Тэ кытысь?» Исус сылы нинӧм эз вочавидз.

Ап. уджъяс 10:28

Петыр шуис налы: «Ті тӧданныд, мый иудейяслы оз позь ӧтувтчыны да волысьны мукӧд войтыркӧд. Но Ен меным петкӧдліс, мед ме некодӧс эг пукты шогмытӧмӧ да пеж туйӧ.

Ап. уджъяс 10:32

Мӧдӧд пӧ йӧзтӧ Иоппияӧ корны Симонӧс, кодӧс шуӧны Петырӧн. Ӧні пӧ сійӧ кучик вӧчысь Симон керкаын, а керкаыс пӧ саридз дорас. Сійӧ пӧ локтас да висьталас тэныд ставсӧ.

Ап. уджъяс 11:3

Найӧ шуисны: «Тэ ветлӧмыд вундыштчытӧмъяс дінӧ да весиг ӧтлаын сёйӧмыд накӧд».

Ап. уджъяс 3:13

Ӧвраамлӧн, Исааклӧн да Яковлӧн Ен, миян батьяслӧн Ен, восьтіс Исус Пиыслысь дзирдлунсӧ. Ті вузалінныд да соссинныд Исусысь Пилат водзын, Пилат ӧд кӧсйис лэдзны Сійӧс.

Ап. уджъяс 4:27

Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд.

Индӧд 16:2

Вайӧй Господьлы, асланыд Енлы, ыджыдлунся вись пыдди ыж-кӧзаӧс да ӧш-мӧскӧс. Начкӧй висьсӧ сійӧ местаас, мый Господь бӧръяс Аслас нимлы оланінӧн.