Иоан 17:8 - Коми Библия 2023

⁸ Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 17:8 Iomraidhean Croise

Шусьӧгъяс 1:23

Кывзӧй менсьым янӧдӧмӧс, ме тырта тіянӧс мывкыдлунӧн, тӧдмӧда тіянӧс аслам кывъясӧн.

Шусьӧгъяс 1:3

велӧдӧны бур оласногӧ, веськыдлунӧ, веськыда вӧчӧмӧ да збыльӧ.

Шусьӧгъяс 2:1

Пиӧй, менсьым кывъясӧс кӧ сибӧдан и тшӧктӧмъясӧс видзан сьӧлӧмад,

Шусьӧгъяс 4:10

Кывзы, пиӧй, сибӧд менсьым кывъясӧс, и тэнад нэмыд нюжалас.

Шусьӧгъяс 8:10

Энӧ эзысь, а менсьым велӧдӧмӧс босьтӧй, энӧ весалӧм зарни, а тӧдӧмлунсӧ сибӧдӧй,

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Иоан 12:49

Ме висьталі эг Ассянь. Менӧ мӧдӧдысь Батьӧй Ачыс велӧдіс Менӧ, мый шуны-юӧртны.

Иоан 14:10

Ме – Бать пытшкын, а Бать – Ме пытшкын. Эскан-ӧ таӧ? Сійӧ кывъяссӧ, мый висьтала тіянлы, ог Ассянь висьтав. Ме пытшкын олысь Батьӧй вӧчӧ уджъяссӧ.

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

Иоан 16:30

Ӧні ми аддзам, мый Тэ тӧдан ставсӧ. Миян юавтӧдз на Тэ тӧдан нин, мый вочавидзны. Та вӧсна эскам: Тэ локтін Енсянь».

Иоан 17:14

Ме висьталі налы Тэнсьыд кывтӧ. Муюгыдыс мустӧмтӧ найӧс, ӧд найӧ Ме моз абу тайӧ муюгыдсьыс.

Иоан 17:18

Тэ мӧдӧдін Менӧ муюгыдас. Тэ моз жӧ Ме мӧдӧді найӧс муюгыдас.

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Иоан 17:23

Ме кӧ на пытшкын, а Тэ – Ме пытшкын, сэки найӧ ставныс лоасны ӧтвыв. Тадзи муюгыдыс тӧдмалас, мый Тэ Менӧ мӧдӧдін, и найӧ мусаӧсь Тэныд, кыдзи Ме муса Тэныд.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Иоан 3:17

Енмыс мӧдӧдіс Ассьыс Писӧ муюгыдас мездыны йӧзсӧ, а эз мыждыны.

Иоан 3:33

Мортыс кӧ сибӧдӧ Сылысь кывъяссӧ, тайӧн петкӧдлӧ, мый Енмыс збыльсӧ висьталӧ.

Иоан 6:68

Симон-Петыр вочавидзис: «Господьӧй, код дінӧ миянлы муннысӧ? Ӧд Тэнад кывъясыд сетӧны помтӧм олӧмсӧ.

Иоан 8:42

Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.

1 Коринфӧ 11:23

Ме висьтавлі нин тіянлы, мый Ачыс Господь меным висьталіс. Господь Исус, Сійӧс вузалан войӧ, босьтіс нянь,

1 Коринфӧ 15:1

Вокъяс, ӧні казьтышта тіянлы Евангелльӧ йылысь, кодӧс висьтавлі нин тіянлы. Ті сибӧдінныд сійӧс да зумыда кутчысянныд сэтчӧ.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.