Иоан 17:5 - Коми Библия 2023

⁵ Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.

Иоан 17:5 Iomraidhean Croise

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 10:30

Ме да Бать – ми ӧти».

Иоан 14:9

Исус вочавидзис: «Он ӧмӧй тӧд Менӧ, Филип? Ме сы дыра нин тіянкӧд! Менӧ аддзылысь Батьӧс аддзыліс. Мыйла тэ шуан, петкӧдлы пӧ миянлы Батьтӧ?

Иоан 17:1

Тайӧс висьталӧм бӧрын Исус видзӧдліс енэжас да шуис: «Батьӧй, воис кад восьтны Пиыдлысь дзирдлунсӧ, медым Пиыд вермис восьтны Тэнсьыд дзирдлунтӧ.

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Иоан 8:58

Исус шуис налы: «Веськыда, веськыда висьтала тіянлы: Ӧвраам чужтӧдз на Ме вӧлі».

Филипӧ 2:6

Сійӧ вӧлі Енмыс кодь, но эз ошйысь тайӧ ӧткодьлунас.

Еврейяслы 1:10

Нӧшта шуӧма: – Господьӧй, медводз Тэ вӧчин мусӧ, енэжыс тшӧтш Тэнад вӧчӧмтор.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

1 Петыр 1:20

Енмыс бӧрйис Сійӧс му пуксьытӧдзыс на да мӧдӧдіс тіян ради бӧръя кадас.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

1 Иоан 1:2

Олӧмыс петкӧдчис, и ми аддзылім Сійӧс. Ӧні висьталам Сы йылысь, юӧртам тіянлы помтӧм Олӧмыс йылысь. Сійӧ вӧлі Батьыскӧд, ӧні Сійӧс восьтӧма миянлы.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.