Иоан 14:9 - Коми Библия 2023

⁹ Исус вочавидзис: «Он ӧмӧй тӧд Менӧ, Филип? Ме сы дыра нин тіянкӧд! Менӧ аддзылысь Батьӧс аддзыліс. Мыйла тэ шуан, петкӧдлы пӧ миянлы Батьтӧ?

Иоан 14:9 Iomraidhean Croise

Олӧм 26:9

Авимелек корис Исаакӧс да шуис: «Ревеккаыд тай гӧтыр тэнад! Мыйла тэ сійӧс аслад чойӧн шуин?» Исаак вочавидзис: «Ме чайті, мый сы понда менӧ вермасны вины».

Псалтыр 11:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Еремей 2:23

Тэ ӧмӧй верман шуны: «Ме сӧстӧм, ме эг юрбит Ваал идолъяслы». Видзӧдлы аслад уджъяс вылӧ, мӧвпыштлы, мый тэ вӧчин ковтысын! Тэ вӧлін том энь верблюд кодь, коді рӧдйӧн котралӧ ӧтарӧ-мӧдарӧ.

Марк 9:19

Исус шуис: «Эскытӧмъяс! Дыр-ӧ на Меным овнысӧ тіянкӧд? Дыр-ӧ на Меным видзӧдны тіянӧс? Вайӧдӧй Ме дінӧ зонкасӧ».

Лука 12:56

Кык бана шаньгаяс! Енэжлысь да мулысь чужӧмбансӧ кужанныд тӧдмавны. А мыйла ӧнія кадсӧ онӧ вермӧй тӧдны?»

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 10:30

Ме да Бать – ми ӧти».

Иоан 12:45

Менӧ аддзысь Менӧ Мӧдӧдысьӧс аддзӧ.

Иоан 14:20

Сійӧ лунӧ ті тӧдмаланныд, мый Ме – Бать пытшкын, ті – Ме пытшкынӧсь, а Ме – тіян пытшкын.

Иоан 14:7

Ті кӧ тӧданныд Менӧ, тӧданныд тшӧтш Менсьым Батьӧс. Ӧні ті тӧданныд Сійӧс, весиг аддзылінныд Сійӧс».

Иоан 8:19

Сэки юалісны Исуслысь: «Кӧні Тэнад Батьыд?» Исус вочавидзис: «Ті онӧ тӧдӧй Менӧ и онӧ тӧдӧй Менсьым Батьӧс. Ті кӧ тӧдінныд Менӧ, тӧдінныд эськӧ тшӧтш Менсьым Батьӧс».

1 Коринфӧ 15:12

Ми висьтавлам ловзьӧм Кристос йылысь. Сідзкӧ, мыйла тіян пиысь ӧткымынӧн шуӧны, кулӧмаяс пӧ оз ловзьыны?

Филипӧ 2:6

Сійӧ вӧлі Енмыс кодь, но эз ошйысь тайӧ ӧткодьлунас.

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.