25 Тайӧс висьталі тіянлы, кор Ме тані тіянкӧд на.
Ме водзвыв висьтала тайӧс, медым лоӧм бӧрас ті эскинныд, мый Ме збыльысь Сійӧ, кодӧн Ачымӧс шуа.
Коді оз радейт Менӧ, сійӧ оз ов Менам кывъяс серти. Тайӧ кывъясыс, мый ті кыланныд, абу Месянь, найӧ – Менӧ мӧдӧдысь Батьсянь.
Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.
Ме водзвыв висьтала тайӧс, медым лоӧм бӧрас ті эскинныд Меным.
Тайӧс Ме висьталі, медым Менам нимкодьлунӧй вуджис тіянлы да тыртіс сьӧлӧмнытӧ.
Унатор на верма висьтавны тіянлы, но ӧні ті онӧ вермӧй ставсӧ тӧрӧдны.
