Иоан 13:18 - Коми Библия 2023

¹⁸ Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.

Иоан 13:18 Iomraidhean Croise

Псалтыр 41:9

Луннас Господь петкӧдлӧ Ассьыс буралӧмсӧ, а войнас ме сьылӧмӧн ошка Сійӧс, кевмыся менам олӧмӧйлӧн Енлы.

Еремей 41:2

Нетанийлӧн Измаил пиыс да сыкӧд локтӧм дас мортыс чеччисны да шыпуртӧн виисны Гедалийӧс, Шафан Ахикамлысь писӧ, кодӧс вавилонса ӧксы пуктіс веськӧдлыны Иуда муӧн.

Матвей 10:36

Мортӧс мустӧмтӧны сылӧн гортсаясыс.

Матвей 26:21

Сёйиганыс шуис налы: «Веськыда висьтала тіянлы: тіян пиысь ӧти вузалас Менӧ».

Матвей 26:23

Исус вочавидзис: «Менӧ вузалысь Мекӧд ӧти тасьтіысь сёйӧ.

Марк 14:17

Рытнас Исус локтіс дас кыкнан велӧдчысьыскӧд.

Марк 14:18

Сёйиганыс шуис налы: «Веськыда висьтала тіянлы: тіян пиысь ӧти, Мекӧд тшӧтш сёйысь, вузалас Менӧ».

Марк 14:20

Исус вочавидзис: «Тіян пӧвстысь, дас кыксьыс ӧти, сійӧ Мекӧд ӧти тасьтіысь сёйӧ.

Лука 22:21

Со, Менӧ вузалысьлӧн киыс Мекӧд ӧти пызанысь судзӧдӧ.

Иоан 13:21

Тайӧс висьталӧм бӧрын Исуслӧн нормис сьӧлӧмыс. Сійӧ шуис: «Веськыда, веськыда висьтала тіянлы: тіян пиысь ӧти вузалас Менӧ».

Иоан 13:22

Сэки велӧдчысьясыс видзӧдлісны ӧта-мӧдныс вылӧ. Найӧ эз гӧгӧрвоны, код йылысь Сійӧ сёрнитӧ.

Иоан 13:26

Исус вочавидзис: «Сійӧ мортыслы Ме сета кӧтӧдӧм няньтор». Сэсся Исус кӧтӧдіс няньтор да сетіс сійӧс Симон-Искариот Иудалы.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 15:19

Ті кӧ вӧлінныд муюгыдсьыс, сэки эськӧ мусаӧсь вӧлінныд муюгыдыслы. Но ті абу муюгыдсьыс, ӧд Ме бӧрйи тіянӧс сэтысь, сійӧн муюгыдыс мустӧмтӧ тіянӧс.

Иоан 15:25

Тадзи инӧ налӧн Индӧдын гижӧмаыс: ”Мустӧмтӧны Менӧ весьшӧрӧ”.

Иоан 17:12

Накӧд муюгыдас олігӧн Ме видзи найӧс, Меным сетӧмаястӧ, Тэнад нимӧн. Ме видзи найӧс, да некод эз вош на пиысь сы кындзи, кодлы колӧ вӧлі вошнысӧ. Тадзи иніс Гижӧдыс.

Иоан 18:32

Тадзи инісны Исуслӧн кывъясыс, кутшӧм ногӧн Сійӧ кулас.

Иоан 19:24

Найӧ шуисны ӧта-мӧдныслы: «Огӧ косявлӧй дӧрӧмсӧ, вай пудъясям, кодлы сійӧ вичмас». Тадзи иніс Гижӧдыс: – Ас костаныс юклӧны Менсьым паськӧмӧс, пудъясьӧны Менам дӧрӧм вӧсна. Тадзи вӧчисны шыпуртаяс.

Иоан 19:36

Ставыс лои Гижӧдыс серти: «Сылысь лысӧ оз ло чегъялӧма».

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Иоан 6:70

Исус шуис налы: «Эг ӧмӧй Ме бӧрйы тіянӧс дас кыкнаннытӧ? Но тіян пиысь ӧтиыс – сӧтана».

Ап. уджъяс 1:16

«Вокъясӧй, Гижӧдыслы колӧ вӧлі инны. Ӧд Давид пыр на Вежа Лов висьтавліс Иуда йылысь, коді вайӧдіс Исус дінӧ Сійӧс босьтысьясӧс.

Ап. уджъяс 1:2

да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.

2 Коринфӧ 4:5

Ми огӧ ас йылысь висьтавлӧй, а висьтавлам Исус Кристос йылысь, мый Сійӧ – Господь. Сійӧ мӧдӧдіс миянӧс кесъявны тіянлы.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.