Иоан 13:1 - Коми Библия 2023

¹ Тайӧ вӧлі Ыджыд лун водзвылын. Исус тӧдіс нин, мый Сылы воис кад мунны тайӧ муюгыдсьыс Батьыс дінӧ. Исуслы вӧлі мусаӧсь найӧ, кодъяс эскисны Сылы, Сійӧ помӧдзыс петкӧдліс на дінӧ Ассьыс муслунсӧ.

Иоан 13:1 Iomraidhean Croise

Шусьӧгъяс 8:31

Сылӧн му вӧсна нимкодяси, и морт пиян сетісны меным долыдлун.

Еремей 31:3

Ылісянь Господь петкӧдчис меным да шуис: – Ме радейта тэнӧ, Израиль, помтӧм муслунӧн, та вӧсна Ме петкӧдла тэныд Ассьым буралӧмӧс.

Матвей 26:45

Сэсся локтіс велӧдчысьяс дінас да шуис налы: «Ті пыр на узянныд да шойччанныд? Кадыс воис. Морт Пиӧс мыжаяс киӧ сетӧны.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Лука 22:53

Ме быд лун вӧлі тіянкӧд крамын, но ті энӧ лэптылӧй кинытӧ Ме вылӧ. Ӧні тіян кадыс да пемыдыслӧн ыджыдалӧмыс».

Лука 9:51

Кор матыстчис Исусӧс енэжӧ босьтан луныс, Сійӧ шуис мунны Ерусалимӧ.

Иоан 11:55

Матыстчис иудейяслӧн Ыджыд лун. Сиктъясысь унаӧн локтісны Ерусалимӧ, медым сӧстӧммӧдчыны Ыджыд лун водзвылын.

Иоан 12:23

Исус шуис налы: «Воис кад – воссьыны Морт Пилӧн дзирдлуныслы.

Иоан 13:29

Кодсюрӧ чайтісны, мый Исус тшӧктіс ньӧбны коланаторсӧ Ыджыд лун кежлӧ либӧ сетны мыйкӧ гӧльяслы, ӧд сьӧм кудйыс вӧлі Иуда ордын.

Иоан 13:3

Исус тӧдіс, мый Батьыс ставсӧ сетіс Сы киӧ, мый Сійӧ локтіс Енсянь да бӧр Сы дінӧ мунӧ.

Иоан 13:34

Выль тшӧктӧм сета тіянлы: радейтӧй ӧта-мӧднытӧ! Кыдзи Ме радейта тіянӧс, сідзи ті радейтӧй ӧта-мӧднытӧ.

Иоан 14:28

Ті ӧд кывлінныд Менсьым кывъясӧс: ”Ме муна да бӧр локта тіян дінӧ”. Ме кӧ муса тіянлы, ті эськӧ нимкодясинныд Бать дінӧ Менам мунӧмысь, ӧд Батьӧй Меысь ыджыдджык.

Иоан 14:31

Но медым муюгыдыс тӧдіс, мый Батьӧй Меным муса, Ме ставсӧ вӧча Батьлӧн тшӧктӧм серти. Чеччӧй, мунамӧй татысь».

Иоан 16:28

Ме локті муюгыдас Бать дінсянь. Ӧні Ме коля муюгыдсӧ да бӧр муна Бать дінӧ».

Иоан 17:1

Тайӧс висьталӧм бӧрын Исус видзӧдліс енэжас да шуис: «Батьӧй, воис кад восьтны Пиыдлысь дзирдлунсӧ, медым Пиыд вермис восьтны Тэнсьыд дзирдлунтӧ.

Иоан 17:16

Найӧ Ме моз абу тайӧ муюгыдсьыс.

Иоан 17:26

Ме велӧді найӧс тӧдны Тэнсьыд нимтӧ да нӧшта на велӧда, медым Ме вӧлі на пытшкын, и медым на пытшкын вӧлі сэтшӧм жӧ муслун, кутшӧм Тэнад муслуныд Ме дінӧ».

Иоан 17:5

Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.

Иоан 18:4

Исус тӧдіс нин, мый лоӧ Сыкӧд, да воча петіс налы. Сійӧ юаліс: «Кодӧс ті корсянныд?»

Иоан 19:28

Исус тӧдіс, мый ставсӧ нин вӧчӧма. Сійӧ шуис: «Горшӧй косьмӧ». Тадзи иніс Гижӧдыс.

Иоан 2:13

Матыстчис иудейяслӧн Ыджыд лун. Исус локтіс Ерусалимӧ.

Иоан 6:4

Матыстчис Ыджыд лун, иудейяслӧн гажӧдчан кад.

Иоан 7:30

Сэки кӧсйисны кутны Исусӧс, но некод эз лысьт инмӧдчыны Сы дінӧ, ӧд Сылӧн кадыс эз на во.

Иоан 7:6

Исус шуис налы: «Менам кадӧй эз на во, а тіянлы быд кад лӧсялӧ.

Иоан 8:20

Тайӧ кывъяссӧ Исус висьталіс крамын велӧдігӧн, сьӧм чукӧртан куд дорын. Сэки Сійӧс некод эз босьт, ӧд Сылӧн кадыс эз на во.

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

Еврейяслы 6:11

Ми кӧсъям, медым ті помӧдз тадзи вӧчинныд, сэки тіян лачаныд збыльмас.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,