Иоан 12:20 - Коми Библия 2023

²⁰ Гажӧдчан кад дырйи Енлы юрбитны локтӧмаӧсь вӧлі тшӧтш кымынкӧ грек.

Иоан 12:20 Iomraidhean Croise

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Марк 7:26

Тайӧ аньыс вӧлі Сирияысь, Финикия войтырысь, сійӧ сёрнитіс грек кывйӧн. Ань корис Исусӧс вӧтлыны ныв пытшкысь пеж ловсӧ.

Иоан 12:1

Ыджыд лунӧдз квайт лунӧн водзджык Исус воис Вифания сиктӧ. Сэні оліс Лазар, кодӧс Исус ловзьӧдіс.

Иоан 12:19

Фарисейяс сёрнитісны ас костаныс: «Аддзанныд, ми нинӧм огӧ вермӧй вӧчны. Став йӧзыс мунӧны Сы бӧрся».

Иоан 7:35

Иудейяслӧн веськӧдлысьяс ас костаныс сёрнитісны: «Кытчӧ Сійӧ кӧсйӧ мунны, мый огӧ вермӧй аддзыны Сійӧс? Оз-ӧ кӧсйы мунны миян йӧз дінӧ, кодъяс олӧны грек войтыр пӧвстын? Оз-ӧ кӧсйы грек войтырӧс велӧдны?

Ап. уджъяс 14:1

Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны.

Ап. уджъяс 16:1

Павел воис Дервияӧдз, а сэтысянь муніс Листраӧ. Сэні оліс Тимофей нима велӧдчысь. Мамыс сылӧн вӧлі иудей, эскысь ань, батьыс вӧлі грек.

Ап. уджъяс 17:4

Кодсюрӧ на пиысь эскисны да ӧтувтчисны Павелкӧд да Силакӧд. Енсьыс полысь грекъяс пиысь да тӧдчана аньяс пиысь тшӧтш унаӧн эскисны.

Ап. уджъяс 20:21

Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.

Ап. уджъяс 21:28

горзісны: «Израиль войтыр, отсалӧй босьтны тайӧ мортсӧ! Сійӧ быдлаын велӧдӧ-сёрнитӧ миян войтырлы паныд, Индӧдлы паныд да тайӧ вежаиныслы паныд. Весиг грекъясӧс вайӧдӧма татчӧ, пежалӧ вежаинсӧ».

Ап. уджъяс 8:27

Филип чеччис да петіс туйӧ. Сійӧ кадас сэті муніс эфиопияса ыджыд чина морт, евнук, эфиопияса кандакиялӧн – ӧксы-аньлӧн – став овмӧснас веськӧдлысь. Сійӧ вӧлі волӧма Ерусалимӧ юрбитны,

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Римӧ 10:12

Иудейяс да грекъяс костын торъялӧмыс абу. Быдӧнлӧн ӧти Господь. Сійӧ лышкыда сетӧ быдӧнлы, коді шыасьӧ Сы дінӧ.

Галатӧ 2:3

Весиг мекӧд локтысь Титӧс, кӧть сійӧ грек войтырысь, найӧ эз тшӧктыны вундыштчыны.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.