Иоан 10:6 - Коми Библия 2023

⁶ Исус висьталіс тайӧ велӧданвисьтсӧ фарисейяслы, сӧмын найӧ эз гӧгӧрвоны, мый йылысь сёрнитіс Исус.

Иоан 10:6 Iomraidhean Croise

Псалтыр 106:7

Сійӧ нуӧдіс найӧс веськыд туйӧд, вайӧдіс карӧ, кытчӧ найӧ вермисны овмӧдчыны.

Псалтыр 82:5

Найӧ шуалӧны, мунам пӧ да бырӧдам найӧс войтыръяс пӧвстысь, медым Израиль нимсӧ весиг вунӧдасны.

Шусьӧгъяс 28:5

Лёк йӧз веськыда мыждӧмсӧ оз гӧгӧрвоны, а Господьӧс корсьысьяс сійӧс бура вежӧртӧны.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Даниил 12:10

Унаӧс лоӧ весалӧма-сӧстӧммӧдӧма да тӧдмалӧма, но лёк йӧз кутасны водзӧ вӧчны лёксӧ. Лёк йӧз оз гӧгӧрвоны тайӧс, а мывкыдаяс гӧгӧрвоасны.

Матвей 13:34

Ставсӧ тайӧс Исус висьталіс йӧзыслы велӧданвисьтъясӧн. Висьтъястӧг эз сёрнитлы накӧд,

Матвей 13:51

Исус юаліс: «Ставсӧ-ӧ гӧгӧрвоинныд?» Велӧдчысьяс вочавидзисны: «Гӧгӧрвоим, Господьӧй».

Марк 4:34

Велӧданвисьтъястӧг Исус эз сёрнитлы йӧзыскӧд, а велӧдчысьясыслы ас кежаныс гӧгӧрвоӧдліс ставсӧ.

Иоан 16:25

Ме висьтавлі тіянлы велӧданвисьтъясӧн. Но воас кад, кор ог нин кут тадзи сёрнитны. Сэки велӧданвисьтъястӧг веськыда висьтала тіянлы Бать йылысь.

Иоан 16:29

Велӧдчысьясыс шуисны Исуслы: «Ӧні Тэ веськыда висьталан, он нин сёрнит велӧданвисьтъясӧн.

Иоан 6:52

Сэки иудейяс пондісны вензьыны ас костаныс: «Кыдзи Сійӧ вермас сетны Ассьыс яйсӧ сёйны миянлы?»

Иоан 6:60

Исуслысь висьталӧмсӧ кывзігӧн велӧдчысьяс пӧвстысь унаӧн шуасисны: «Кутшӧм гӧгӧрвотӧмторъяс Сійӧ висьталӧ! Коді вермас кывзыны тайӧс?»

Иоан 7:36

Кыдзи гӧгӧрвоны Сылысь кывъяссӧ: ”Ті кутанныд корсьны Менӧ, но онӧ аддзӧй. Кӧні Ме лоа, сэтчӧ ті онӧ вермӧй локнысӧ”?»

Иоан 8:27

Найӧ эз гӧгӧрвоны, мый Исус висьталӧ Батьыс йылысь.

Иоан 8:43

Мыйла ті онӧ гӧгӧрвоӧй Менсьым висьталӧмӧс? Ті онӧ гӧгӧрвоӧй, ӧд онӧ сибӧдӧй Менсьым кывъясӧс.

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

2 Петыр 2:22

Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.