9 Збыль Югыдыс, быд мортӧс югдӧдысь, локтіс муюгыдас.
– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.
Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.
Синмыд кӧ лёк, став вир-яйыд пемыдын. Югыдыс кӧ тэ пытшкын пемыд, сэки кутшӧм ачыс пемыдыс?
Тэнад кӧ став вир-яйыд югыдын, и весиг ӧти юкӧн абу пемыдын, сэки тэ ставнас пондан югъявны югдӧдысь би моз».
Сы пытшкын вӧлі олӧм. Олӧмыс йӧзыслы вӧлі югыдӧн.
Сійӧ локтіс висьтавны Югыдыс йылысь, медым быдӧн эскис Югыдыслы.
Ме эм югыдыс. Ме локті му вылӧ, медым Меным эскысь эз коль пемыдас.
Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.
«Ме эм збыль виноград пуыс, Менам Батьӧй – виноград быдтысьыс.
Исус шуис налы: «Веськыда, веськыда висьтала тіянлы: эз Мӧисей сет тіянлы няньсӧ енэжсянь, но Менам Батьӧй сетӧ тіянлы збыль няньсӧ енэжсянь.
Йӧз пӧвстын унаӧн вензисны Сы йылысь. Ӧтияс сёрнитісны, Сійӧ пӧ бур, мӧдъяс шуисны, Сійӧ пӧ ылӧдлӧ йӧзсӧ.
Шуам кӧ, мый миян мыжыс абу, сідзкӧ, ми пӧрйӧдлам асьнымӧс, и збыльыс абу миян пытшкын.
Збыльвылас, ме гижа выль тшӧктӧм. Сійӧ збыльмӧ Кристос пытшкын да тіян пытшкын, ӧд пемыдыс вешйӧ, а збыль югыдыс югдӧдӧ нин.
Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.
