Индӧд 9:9 - Коми Библия 2023

⁹ Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

Индӧд 9:9 Iomraidhean Croise

Ӧксыяслӧн 3 небӧг 19:8

Илля чеччис да сёйис-юис. Сёйӧм бӧртиыс ёнмыштіс да петіс туйӧ. Нелямын лун да нелямын вой сійӧ муніс Енлӧн Хорив керӧс дорӧдз.

Ӧксыяслӧн 4 небӧг 6:22

«Эн ви, – вочавидзис Елисей. – Тэ ӧд эн аслад шыпуртӧн да ньӧввужйӧн босьт найӧс. Верд найӧс, мед сёясны-юасны, а сэсся бӧр мунасны асланыс ӧксы дінӧ».

Петӧм 24:12

Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».

Петӧм 24:15

Мӧисей кайис Синай керӧс вылӧ. Керӧссӧ вевттис кымӧр.

Петӧм 24:18

Мӧисей воськовтіс кымӧр пытшкас и кайис керӧс йылӧ. Сэні сійӧ вӧлі нелямын лун да нелямын вой.

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 34:28

Мӧисей вӧлі керӧс вылын Господь дорын нелямын лун да нелямын вой, нянь эз сёйлы ни ва эз юлы. Сійӧ гижис изпӧвъяс вылӧ йитӧдлысь кывъяссӧ – дас тшӧктӧм.

Матвей 4:2

Нелямын лун да нелямын вой видзалӧм бӧрын Исуслӧн кынӧмыс сюммис.

Галатӧ 4:24

Тайӧ висьталӧ кык йитӧд йылысь. Ӧти йитӧдсӧ вӧлі кӧрталӧма Синай керӧсын – тайӧ Агар, сылӧн ныв-пиыс кесйӧгъяс.

Индӧд 8:3

Сійӧ раммӧдіс тіянӧс – сетіс тіянлы тшыгъявны, сэсся вердіс маннаӧн. Татшӧм сёянсӧ ті и тіян батьясныд энӧ тӧдлӧй. Тадзи Сійӧ кӧсйис петкӧдлыны тіянлы, мый оз куш няньӧн мортыд ов, а Господьсянь быд шуӧм кывйӧн.

Индӧд 9:11

Нелямын лун да нелямын вой кольӧм бӧрын Господь сетіс меным йитӧдлысь изпӧвъяс.

Индӧд 9:15

Ме бергӧдчи да лэччи керӧс вылысь. Керӧсыс ыпъяліс-ӧзъяліс биӧн, кор ме лэччи йитӧдлысь кык изпӧвсӧ киын кутӧмӧн.

Индӧд 9:18

Сэсся ме [мӧдысь] кымынь уськӧдчи Господь водзӧ. Нелямын лун да нелямын вой, кыдзи и водзынсӧ, нянь эг сёйлы ни ва эг юлы тіян мыжныд вӧсна. Ті вӧчинныд Господь [асланыд Ен] водзын шогмытӧмсӧ, тадзи скӧрмӧдінныд Господьӧс.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.