Индӧд 9:1 - Коми Библия 2023

¹ «Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Индӧд 9:1 Iomraidhean Croise

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Даниил 4:11

Сійӧ гораа юӧртіс: – Керыштӧй тайӧ пусӧ, увъяссӧ кералӧй, коръяссӧ нетшкӧй, вотӧссӧ шыблалӧй. Сы улысь мед пышъясны пемӧсъяс, увъясыс вылысь мед лэбзясны лэбачьяс.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Лыд 13:22

Найӧ мунісны да видзӧдалісны Ханаан му Цин овтӧминсянь Реховӧдз, Лево-Хаматсянь матын.

Лыд 33:51

висьтавны Израиль пиянлы: «Кор ті вуджанныд Йӧрдан ю вомӧн Ханаан муӧ,

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Индӧд 11:23

сэки Господь вӧтлас тіян водзысь войтыръясӧс, кодъяс тіян дорысь вынаӧсь да уна лыдаӧсь, и ті босьтанныд аслыныд налысь мусӧ.

Индӧд 11:31

Ӧні ті вуджанныд Йӧрдан ю сайӧ, медым босьтны аслыныд му, мый Господь, тіян Енныд, сетас тіянлы [пыр кежлӧ]. Ті босьтанныд сійӧс аслыныд да кутанныд сэні овны.

Индӧд 27:2

Йӧрдан ю сайӧ вуджӧм бӧрын, кор пыранныд сійӧ муас, мый Господь, тіян Енныд, сетас тіянлы, сувтӧдӧй сэні аслыныд ыджыд изъяс да мавтӧй найӧс еджыд коризӧн.

Индӧд 3:18

Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:38

Сійӧ вӧтліс тіян водзысь войтыръясӧс, кодъяс вӧліны тіянысь унджыкӧнӧсь да вынаджыкӧсь. Сійӧ пыртіс тіянӧс налӧн муӧ да сетіс налысь мусӧ тіянлы, кыдзи ӧні артмӧ.

Индӧд 6:10

Господь, тіян Енныд, нуӧдас тіянӧс сійӧ муас, мый йылысь кыв сетіс тіян батьяслы – Ӧвраамлы, Исааклы да Яковлы. Сійӧ сетас тіянлы ыджыд да бур каръяс, мый ті энӧ кыпӧдлӧй,

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Нав Исус 1:11

кытшовтны чомъяссӧ да висьтавны войтырыслы: «Дасьтӧй сёян, ӧд куим лун мысти ті вуджанныд Йӧрдан ю сайӧ, медым босьтны аслыныд му, мый Господь, тіян [батьяслӧн] Ен, сетас тіянлы пыр кежлӧ».

Нав Исус 1:15

кытчӧдз Господь, тіян Енныд, оз сет налы сійӧ мусӧ, кӧні найӧ кутасны тіян моз лӧня овны. Кор найӧ босьтасны аслыныс сійӧ мусӧ, ті верманныд бӧр локны асланыд муӧ, мый Мӧисей, Господьлӧн кесйӧг, сетіс тіянлы Йӧрдан ю таладорысь, асыввыв муысь».

Нав Исус 14:12

Сет меным керӧсвыв мусӧ, мый йылысь сэки висьтавліс Господь. Тэ ачыд кывлін, мый сэні ыджыд да зумыд каръясын олӧ енак войтыр. Господь кӧ лоӧ мекӧд, ме вӧтла найӧс, кыдзи шуис Господь».

Нав Исус 3:14

Израиль войтыр мӧдӧдчис Йӧрдан юлань, медым вуджны сійӧс. Попъяс нуисны [Господьлысь] Йитӧд кудсӧ войтырыс водзвылын.

Нав Исус 3:16

ваыс дугдіс визувтны да сувтіс стенӧн ылӧ, Адам кар дорӧ, мый Цартан карсянь матын. А визувтысь ваыс лэччис ковтысса Сола саридзӧ да бырис.

Нав Исус 3:6

А попъяслы шуис: «Босьтӧй [Господьлысь] Йитӧд кудсӧ да мунӧй войтырыс водзвылын». Попъяс босьтісны [Господьлысь] Йитӧд кудсӧ да мунісны войтырыс водзвылын.

Нав Исус 4:19

Медводдза тӧлысьлӧн дасӧд лунӧ Израиль войтыр вуджис Йӧрдан ю да сувтіс Галгалӧ. Сэтчӧ, Ериконсянь асыввылӧ, найӧ сувтӧдісны чомъяснысӧ.

Нав Исус 4:5

да шуис: «Мунӧй асланыд Господь Енлӧн куд дорӧ Йӧрдан ю шӧрӧ да босьтӧй сэтысь Израиль чужанкотыръяслӧн лыд серти дас кык из. Быдӧн мед ваяс пельпом вылас ӧти из.