Индӧд 7:13 - Коми Библия 2023

¹³ Сійӧ пондас радейтны тіянӧс да бурсины тіянӧс, сетас тіянлы уна ныв-пи. Сійӧ бурсиас тіянсянь чужысьясӧс, тіянлысь мувыв быдтастӧ, няньтӧ, винатӧ, олив выйтӧ да ыж-мӧстӧ сійӧ муас, мый тіян батьяслы кыв сетӧмӧн кӧсйысис сетны тіянлы.

Индӧд 7:13 Iomraidhean Croise

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Иов 1:10

Тэ ӧд быд боксянь кытшалӧмыд сійӧс, сылысь гортсасӧ да став овмӧссӧ. Тэ бурсиан сылысь быд удж, сылӧн ыж-мӧскыс рӧдмӧ-содӧ.

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Псалтыр 11:7

Господьлӧн кывъясыс сӧстӧмӧсь, найӧ няйтысь весалӧм эзысь кодьӧсь, сизим пӧв биын сывдӧм эзысь кодьӧсь.

Псалтыр 127:3

Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Псалтыр 146:8

Сійӧ вевттьӧ енэжсӧ кымӧръясӧн, мӧдӧдӧ му вылӧ зэр, керӧсъяс вылын быдтӧ турун [и мортлы сетӧ нянь].

Петӧм 23:25

Кесъялӧй Меным, асланыд Господь Енлы, и Ме бурсиа няньнытӧ [винанытӧ] да ванытӧ, вешта тіян пӧвстысь висьӧмъяс.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Шусьӧгъяс 15:9

Лёк вӧчысьлысь туйсӧ Господь зывӧктӧ, веськыдлунсӧ корсьысьӧс Сійӧ радейтӧ.

Левит 26:9

Ме бергӧдча тіянлань [да бурсиа тіянӧс]. Ме сета тіянлы чужтысьны-рӧдмыны. Тіянкӧд кӧрталӧм йитӧдӧс Ме збыльмӧда.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 28:1

«[Йӧрдан ю сайӧ, Господьӧн, тіян Енмӧн, сетӧм муӧ вуджӧм бӧрын] ті кӧ кутанныд кывзысьны Господьлысь, асланыд Енлысь, да овны Сылӧн став тшӧктӧмыс серти, мый талун висьтала тіянлы, сэки Господь, тіян Енныд, кыпӧдас тіянӧс мувывса став мукӧд войтырысь медвылӧ.

Индӧд 28:11

Господь [тіян Енныд] быдторйын озырмӧдас тіянӧс. Тіян лоӧ уна ныв-пи, ыж-мӧс да мувыв быдтас-вотӧс сійӧ муас, мый Господь батьясныдлы кыв сетӧмӧн кӧсйысис сетны тіянлы.

Индӧд 30:5

да вайӧдас батьясныдлӧн муӧ, и ті бара босьтанныд сійӧс аслыныд. Сійӧ вӧчас тіянлы бурсӧ, батьясныдлы дорысь тіянлы унджык чужысьӧс сетас.

Индӧд 7:7

Господь бӧрйис да сибӧдіс тіянӧс эз лыдныд серти, ӧд ті войтыръяс пӧвстын этшаӧнӧсь.