Индӧд 5:4 - Коми Библия 2023

⁴ Господь сёрнитіс тіянкӧд воча чужӧмӧн керӧсвывса би пытшсянь.

Индӧд 5:4 Iomraidhean Croise

Петӧм 19:9

Господь шуис Мӧисейлы: «Ме локта тэ дінӧ сук кымӧр пытшкын да кута сёрнитны тэкӧд, медым войтырыд кылас да водзӧ кутас эскыны тэныд». Сы бӧрын, кор Мӧисей висьталіс Господьлы войтырыслысь кывъяссӧ,

Петӧм 20:1

Ен висьталіс [Мӧисейлы] тайӧ кывъяссӧ:

Петӧм 33:11

Господь сёрнитіс Мӧисейкӧд воча чужӧмӧн, кыдзи морт сёрнитӧ аслас ёрткӧд. Сэсся Мӧисей бӧр локтіс йӧз дорӧ, а Навлӧн Исус пиыс, Мӧисейлы отсасьысь том морт, эз вешйыв паныдасян чом дорысь.

Лыд 12:8

Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Индӧд 34:10

Тайӧ кадсяньыс Израиль войтыр пӧвстын эз вӧв Мӧисей кодь пророкыс. Господь сёрнитліс сыкӧд воча чужӧмӧн.

Индӧд 4:12

[Керӧсвывса] би пытшсянь тіянкӧд сёрнитіс Господь. Ті кылінныд Сылысь кывъяссӧ, но энӧ аддзылӧй Сійӧс.

Индӧд 4:15

Кор Господь Хорив керӧсын сёрнитіс тіянкӧд би пытшсянь, ті Сійӧс энӧ аддзылӧй. Сідзкӧ, ас бӧрсяныд сюся видзӧдӧй,

Индӧд 4:33

Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?

Индӧд 4:36

Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.

Индӧд 5:22

Тайӧ кывъяссӧ Господь гораа висьталіс тіянлы ставныдлы керӧс вывсянь, би да сьӧд кымӧр [да бушков] пытшсянь. Сэсся та дінӧ нинӧм эз содты. Тайӧ кывъяссӧ Сійӧ гижис кык изпӧв вылӧ да сетіс меным.