Индӧд 4:38 - Коми Библия 2023

³⁸ Сійӧ вӧтліс тіян водзысь войтыръясӧс, кодъяс вӧліны тіянысь унджыкӧнӧсь да вынаджыкӧсь. Сійӧ пыртіс тіянӧс налӧн муӧ да сетіс налысь мусӧ тіянлы, кыдзи ӧні артмӧ.

Индӧд 4:38 Iomraidhean Croise

2 Каднебӧг 20:11

Но ӧні найӧ мынтысьӧны миянлы – кӧсйӧны вӧтлыны миянӧс Тэнад муысь, мый Тэ вичмӧдін миянлы.

2 Каднебӧг 20:7

Миян Енмӧй, Тэ вӧтлін тайӧ муас олысьясӧс Аслад Израиль войтыр водзысь да пыр кежлӧ сетін тайӧ мусӧ Аслад Ӧвраам ёртсянь чужысьяслы.

Лыд 34:14

Ӧд Рувим да Гад чужанкотыръяс да Манассейлӧн джын чужанкотырыс босьтісны нин ассьыныс пайсӧ.

Лыд 34:15

Найӧ босьтісны мунысӧ Йӧрдан ю да Ерикон кар асыввылысь».

Индӧд 11:23

сэки Господь вӧтлас тіян водзысь войтыръясӧс, кодъяс тіян дорысь вынаӧсь да уна лыдаӧсь, и ті босьтанныд аслыныд налысь мусӧ.

Индӧд 2:31

Господь шуис меным: ”Видзӧд, Ме сета тіян киӧ Сигонӧс [хешбонса аморей ӧксыӧс] да сылысь мусӧ. Босьтӧй сійӧс аслыныд да овмӧдчӧй сэтчӧ”.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.