Индӧд 4:30 - Коми Библия 2023

³⁰ Шогыс да сьӧкыдалӧмыс суӧм бӧрын ті бӧр бергӧдчанныд Господь Енныд дінӧ да кутанныд кывзысьны Сылысь.

Индӧд 4:30 Iomraidhean Croise

Олӧм 49:1

Яков корис ассьыс пиянсӧ да шуис: – Чукӧртчӧй, ме висьтала, мый виччысьӧ тіянӧс быдӧнӧс.

Неемий 1:9

Но ті кӧ бӧр бергӧдчанныд Ме дінӧ, видзанныд кӧ Менсьым тшӧктӧмъясӧс да оланныд на серти, Ме чукӧрта тіянӧс, весиг вӧтлӧма кӧ лоӧ тіянӧс му помӧдзыс. Ме бӧр вайӧда тіянӧс Аслам нимӧйлы бӧрйӧм оланінӧ”.

Псалтыр 107:13

Отсав миянлы, ӧд миянӧс дзескӧдӧны, а йӧзсянь отсӧгсӧ виччысьны весьшӧрӧ.

Псалтыр 107:6

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Псалтыр 18:6

Сэтысь шонді долыда петӧ, кыдзи верӧспу аслас гӧтрасян вежӧсысь, кыдзи панласьысь нимкодьпырысь котӧртӧ аслас туйӧд.

Петӧм 18:8

Мӧисей висьталіс тесьтыслы ставсӧ, мый Господь вӧчис фараонлы да Египетлы Израиль вӧсна. Висьталіс, кутшӧм сьӧкыдлунъяс вӧліны налӧн туяныс, да кыдзи Господь мездіс найӧс [фараон да египетса киысь].

Исай 1:19

Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн.

Еремей 23:20

Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 4:1

– Израиль, тэ кӧ бергӧдчан, – висьталӧ Господь, – тэ кӧ бергӧдчан Ме дінӧ да вештан Менам син водзысь зывӧк идолъястӧ, сэки дугдан шӧйтнытӧ.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Бӧрданкыв 3:40

Тӧдмаламӧй ассьыным туйнымӧс, медым бергӧдчыны Господь дінӧ.

Даниил 10:14

Ӧні ме локті, медым юӧртны тэныд, мый лоӧ тэнад войтырыдкӧд бӧръя кадӧ. Ӧд сійӧ, мый тэ аддзылін, висьталӧ бӧръя кад йылысь».

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Закар 6:15

Йӧзыс ылісянь локтасны, мед отсавны лэптыны Господьлысь крамсӧ. Сэки ті тӧдмаланныд, мый Господь Саваоф мӧдӧдіс менӧ тіян дінӧ. Тайӧ ставыс инас, ті кӧ понданныд сьӧлӧмсяньныд кывзысьны Господьлысь, асланыд Енлысь.

Лыд 24:20

Валаам аддзис амаликъясӧс да шуис татшӧм кывъяс: – Войтыръяс пӧвстын амалик войтыр медводдзаыс, но сійӧс виччысьӧ дзикӧдз бырӧдӧм!

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Индӧд 30:10

Тадзи лоӧ, ті кӧ кутанныд кывзысьны Господьлысь, асланыд Енлысь, овны Сылӧн индӧд-тшӧктӧмъяс серти, мый гижӧма тайӧ Индӧд небӧгас, да бергӧдчанныд кӧ став сьӧлӧмнад да став олӧмнад Господьлань, асланыд Енлань.

Индӧд 30:2

да ті ныв-пиныдкӧд бӧр бергӧдчанныд Господьлань, асланыд Енлань, да кутанныд став сьӧлӧмнад да став олӧмнад кывзысьны Сылысь, кыдзи ме тшӧкта талун тіянлы,

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Индӧд 31:21

Кор Израиль войтырӧс суасны шогъяс да сьӧкыдлунъяс, сэки тайӧ сьыланкывйыс петкӧдлас, мый найӧ мыжаӧсь. [Найӧ да] насянь чужысьяс мед оз вунӧдны тайӧ сьыланкывсӧ. Ме тӧда Израиль войтырлысь мӧвпъяссӧ, кӧть Ме эг на вайӧд найӧс сійӧ [бур] муас, мый йылысь кыв сеті [налӧн батьяслы]».

Индӧд 31:29

Ме тӧда, мый менам кулӧм бӧрын ті сетчанныд лёкас, кежанныд туйсьыс, кытчӧ ме веськӧді тіянӧс. Локтана кадӧ тіянӧс суасны шогъяс, ӧд ті кутанныд вӧчны Господь [Ен] водзын шогмытӧмсӧ. Асланыд уджъясӧн ті дӧзмӧданныд Господьӧс».

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.