Индӧд 4:10 - Коми Библия 2023

¹⁰ Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Индӧд 4:10 Iomraidhean Croise

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Псалтыр 145:4

Лолыс петас сы пытшкысь, а вир-яйыс бӧр лоӧ муӧн, сійӧ лунӧ бырасны сылӧн мӧвпъясыс.

Петӧм 19:1

Египет муысь петӧм бӧрын коймӧд тӧлысьлӧн медводдза лунӧ Израиль пиян Рефидимысь мунӧм бӧрын воисны Синай овтӧминӧ. Найӧ паськӧдчисны чомъяснас керӧс бокӧ.

Петӧм 19:11

дасьтысясны коймӧд лун кежлӧ, ӧд коймӧд луннас став войтырлӧн син водзын Господь лэччас Синай керӧс вылӧ.

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Петӧм 19:9

Господь шуис Мӧисейлы: «Ме локта тэ дінӧ сук кымӧр пытшкын да кута сёрнитны тэкӧд, медым войтырыд кылас да водзӧ кутас эскыны тэныд». Сы бӧрын, кор Мӧисей висьталіс Господьлы войтырыслысь кывъяссӧ,

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Исай 38:19

Но сӧмын ловъяяс ошкӧны Тэнӧ, кыдзи ме ӧні ошка. Батьыс висьталас челядьыслы Тэнад эсканлуныд йылысь.

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Индӧд 11:19

Велӧдӧй наӧ ныв-пинытӧ. Висьталӧй гортаныд и туйын, висьталӧй водіганыд и чеччиганыд.

Индӧд 12:1

«Тайӧ индӧд-тшӧктӧмъяссӧ тіянлы колӧ тӧдны да на серти овны сійӧ муас, мый Господь, тіян батьяслӧн Ен, сетас тіянлы. Став олан лунъяс чӧжныд олӧй на серти сійӧ муас, мый босьтанныд аслыныд.

Индӧд 14:23

Няньсьыд, винасьыд да олив выйсьыд дасӧд юкӧнсӧ, тшӧтш ыж-мӧскыдлысь медводдза чужысьсӧ, сёй аслад Господь Ен водзын сійӧ местаас, мый Сійӧ бӧръяс Аслас нимлы оланінӧн. Тадзи тэ велӧдчан повны Господьысь, аслад Енмысь, став олан лунъяс чӧжыд.

Индӧд 17:19

Гижӧмасӧ мед видзас ас ордас да лыддяс став олан лунъяс чӧжыс. Сэки сійӧ велалас повны Господьысь, аслас Енмысь, да овны Индӧд да тшӧктӧмъяс серти.

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Индӧд 5:2

Господь, миян Енным, кӧрталіс миянкӧд йитӧд Хорив керӧсын.

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Восьтӧм 19:5

Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!

Ӧксыяслӧн 1 небӧг 12:24

Сӧмын полӧй Господьысь, кесъялӧй Сылы веськыда да став сьӧлӧмсяньныд. Ті ӧд асьныд аддзылінныд, кутшӧм ыджыд уджъяс Сійӧ вӧчис тіян пӧвстын.