Индӧд 33:17 - Коми Библия 2023

¹⁷ Ӧсиплӧн выныс медводдза чужысь ӧшлӧн кодь, сылӧн сюръясыс вӧлявывса ӧшлӧн кодьӧсь, наӧн люкалӧ войтыръясӧс, вӧтлӧ найӧс му помӧдзыс. Татшӧмӧсь Ефрем чужанкотырлӧн лыдтӧм-тшӧттӧм йӧзыс, Манассей чужанкотырлӧн уна сюрс йӧзыс.

Индӧд 33:17 Iomraidhean Croise

Олӧм 48:19

Но батьыс шуис сылы паныд: «Тӧда, пиӧй, тӧда. Сысянь тшӧтш чужас войтыр, и сійӧ лоас ыджыдӧн. Но ичӧтджык вокыс лоас ыджыдджык, и сысянь чужас унасьыс-уна войтыр».

Ӧксыяслӧн 3 небӧг 22:11

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

1 Каднебӧг 12:31

Манассейлӧн джын чужанкотырысь вӧліны дас кӧкъямыс сюрс морт, кодъясӧс вӧлі бӧрйӧма да мӧдӧдӧма, медым найӧ пуктісны Давидӧс ӧксыӧ.

1 Каднебӧг 12:32

Иссакар чужанкотырысь вӧліны кыксё юралысь, мывкыда йӧз, кодъяс тӧдісны, мый бурджык Израильлы. Накӧд вӧлі став налӧн рӧдыс.

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

1 Каднебӧг 5:2

Иуда вӧлі медся тӧдчана аслас вокъяс пӧвстын, и сылӧн рӧдысь петіс юралысь, но медводдза чужысьлӧн нимыс вуджис эз сылы, а Ӧсиплы.

1 Каднебӧг 5:23

Манассейлӧн уна лыда джын чужанкотырыс оліс сійӧ муас, мый нюжаліс Васансянь Ваал-Ермон, Сенир да Ермон керӧсъясӧдз.

2 Каднебӧг 18:10

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

Псалтыр 29:6

Сылӧн скӧралӧмыс сӧмын здук кежлӧ, а бурлуныс – став олӧм чӧж. Рытнас кылӧ бӧрдӧм, а асывнас – нимкодясьӧм.

Псалтыр 44:5

Дзирдлуннад да выннад пет тышӧ, дорйы збыльсӧ, рамлунсӧ да веськыдлунсӧ. Тэнад веськыд киыд мед петкӧдлас шензьӧдана уджъяс.

Псалтыр 60:7

Нюжӧд ӧксылысь олан лунъяссӧ, мед сылӧн юралӧмыс лоас чужысьяссянь чужысьясӧдз,

Исай 34:7

Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Езекиль 34:21

Коньӧр ыжъяссӧ ті бокнад да пельпомнад йӧткаланныд, сюрнаныд люкаланныд, кытчӧдз онӧ вӧтлӧй найӧс.

Даниил 8:4

Ме аддзылі, мый тайӧ межыс люкасис рытыввывлань, войвывлань да лунвывлань, и мукӧд пемӧсъяс эз вермыны водзсасьны сыкӧд, некод эз вермы мездысьны сыысь. Сійӧ вӧчис, мый кӧсйис, да ёна ышнясис.

Осий 5:3

Ме тӧда Ефремӧс, Израиль оз вермы дзебсьыны Меысь. Ефрем кырсалӧ, Израиль пежасьӧма.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Лыд 23:22

Ен петкӧдіс найӧс Египетысь, налӧн вынйӧрыс ӧшлӧн кодь.

Лыд 24:8

Енмыс петкӧдіс тіянӧс Египетысь, тіян вынйӧрныд ӧшлӧн кодь. Тіянӧс мустӧмтысь войтыръясӧс ті ньылыштанныд, налысь лыяссӧ чегъяланныд, ньӧвйысь лыйлӧмӧн найӧс бырӧданныд.

Лыд 26:34

Тайӧ – Манассей чужанкотырлӧн рӧдъяс. Арталӧм-гижалӧм айуловлӧн лыдыс вӧлі ветымын кык сюрс сизимсё морт.

Лыд 26:37

Тайӧ – Ефрем чужанкотырлӧн рӧдъяс. Арталӧм-гижалӧм айуловлӧн лыдыс вӧлі комын кык сюрс витсё морт. Тайӧ – Ӧсипсянь чужысьяс асланыс рӧд сертиныс.

Нав Исус 17:14

Ӧсипсянь чужысьяс шуисны Исуслы: «Мыйла тэ миянлы сетін сӧмын ӧти му юкӧн? Ми уна лыдаӧсь, ӧд Господь бурсиис миянӧс».

Нав Исус 17:18

вичмас тшӧтш керӧсвыв муыс. Ті пӧрӧданныд сэтысь вӧрсӧ, и муыс помсянь помӧдзыс тіян лоӧ. Ті вӧтланныд [да верманныд] ханаансаясӧс, мед кӧ найӧ ёнӧсь, и налӧн эмӧсь тышӧ ветлан тарантасъяс».

Ӧксыяслӧн 1 небӧг 2:1

Анна ошкӧмӧн кевмысис: – Господь гажӧдіс менсьым сьӧлӧмӧс, Сійӧ вылӧ кыпӧдіс менсьым юрӧс. Ме серала менӧ мустӧмтысьяс вылын, ме нимкодяся, ӧд Господь мездіс менӧ.