Индӧд 32:28 - Коми Библия 2023

²⁸ Израиль – вежӧртӧм войтыр, найӧ нинӧм оз гӧгӧрвоны.

Индӧд 32:28 Iomraidhean Croise

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.