Индӧд 31:17 - Коми Библия 2023

¹⁷ Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Индӧд 31:17 Iomraidhean Croise

Ӧксыяслӧн 3 небӧг 8:57

Господь, миян Енным, мед пыр лоӧ миянкӧд, кыдзи Сійӧ пыр вӧлі миян батьяскӧд. Сійӧ мед оз коль да оз эновт миянӧс.

Ӧксыяслӧн 4 небӧг 22:13

«Мунӧй да юалӧй Господьлысь, мый меным да менам войтырлы колӧ вӧчны. Юалӧй, мый Иуда войтырлы колӧ вӧчны тайӧ небӧгас гижӧмаыс серти. Ӧд Господьлӧн ыджыд скӧрлуныс ыпнитіс миян вылӧ сыысь, мый миян батьяс эз кывзысьны да эз овны тайӧ небӧгас гижӧм кывъясыс серти».

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 21:10

Эдом войтыр мыніс Иуда кипод улысь, и ӧнӧдз тайӧ тадз. Сійӧ жӧ кадӧ иудаса ӧксылы паныд кыпӧдчисны тшӧтш Ливна карын олысьяс. Тадзи лои, ӧд Иорам эновтіс Господьӧс, аслас батьяслысь Енсӧ.

2 Каднебӧг 24:20

Енлӧн Лолыс лэччис Иодай поплӧн Закар пи вылӧ. Закар сувтіс войтырыс водзӧ содъя пос вылӧ да шуис налы: «Господь тадзи висьталӧ: ”Мыйла ті торкаланныд Господьлысь тшӧктӧмъяссӧ? Тіян олӧманыд нинӧм оз кут артмыны. Ті эновтінныд Господьӧс, сідзкӧ, Сійӧ тшӧтш эновтас тіянӧс”».

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Иов 13:24

Мыйла Тэ дзебан Ассьыд чужӧмтӧ меысь, лыддян менӧ Аслад вӧрӧгӧн,

Иов 34:11

Сійӧ мынтысьӧ мортлы сылӧн уджъясыс серти, сетӧ сылы оласногыс кузя.

Псалтыр 104:29

Налысь васӧ Господь пӧртіс вирӧ, бырӧдіс налысь став черисӧ.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 27:9

Господьӧй, мезды Ассьыд войтыртӧ, бурси да видз найӧс, ну Аслад ки вылад нэмъяс чӧж!

Псалтыр 30:7

Идолъяслы юрбитысьясӧс мустӧмта, ме лача кута Господь вылӧ.

Псалтыр 44:10

Тэнад керкаын олӧны нималана аньяс да ӧксыяслӧн нывъясыс, тэнад веськыдладорын пукалӧ офирса зарниӧн мичмӧдӧм ӧксы-ань.

Псалтыр 90:11

Аслас анделъяслы Господь тшӧктӧ видзны тэнӧ став тэнад туйяс вылын.

Исай 2:6

Господьӧй, Тэ эновтін Ассьыд войтыртӧ, колин Яковсянь чужысьясӧс. Ӧд найӧ унаторйӧ велӧдчисны асыввыв олысьяссянь, филистимсаяс моз найӧ кимӧститчӧны, волысьӧны локтысь йӧзкӧд.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 63:17

Господьӧй, мыйла Тэ лэдзан миянлы кежны Тэнад туй вылысь, мыйла лэдзан чорзьыны сьӧлӧмнымлы, медым ми эгӧ полӧй Тэысь? Бергӧдчы миянлань Аслад кесйӧгъясыд вӧсна, Аслад бӧрйӧм чужанкотыръясыд ради.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!

Еремей 23:33

Тайӧ войтырысь, пророкъясысь либӧ попъясысь кӧ кодкӧ юалас тэнсьыд, мыйӧн Господь сьӧктӧдӧ миянӧс, сэки шу налы: сьӧктӧда сійӧн, мый эновта найӧс, – висьталӧ Господь. –

Еремей 23:39

та вӧсна Ме вунӧда тіянӧс, эновта тіянӧс да тайӧ карсӧ, мый Ме сеті тіянлы да тіян батьяслы.

Еремей 33:5

Тайӧ карас олысьяс петасны тышкасьны калдеяса тышкайӧзкӧд, но налӧн керкаясныс тырасны шойясӧн. Ӧд Ме бергӧді Ассьым чужӧмӧс тайӧ карас олысьясысь налӧн лёк вӧчӧмныс вӧсна, Ме пасьварта найӧс Аслам скӧрлунӧн да ярлунӧн.

Еремей 36:7

Гашкӧ, найӧ кевмысясны-шыасясны Господь дінӧ да бергӧдчасны асланыс лёк туй вылысь, ӧд Господь ёна скӧралӧ да лӧгалӧ тайӧ войтырыс вылӧ».

Еремей 40:2

Ӧксыӧс видзысьяслӧн юралысь корис Еремейӧс да шуис сылы: «Господь, тэнад Енмыд, шуис мӧдӧдны шог тайӧ муыс вылӧ.

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Езекиль 39:29

Ме ог нин кут дзебны Ассьым чужӧмбанӧс Израиль войтырысь, а кисьта на вылӧ Ассьым Лолӧс, – висьталӧ Господь Ыджыдыс».

Осий 10:4

Ӧксыяс висьталӧны нинӧм абусӧ, ылӧдчӧмӧн кыв сетӧны, кӧрталӧны йитӧдъяс. Та вӧсна локтас на вылӧ мыждӧмыс гӧрӧм му вылӧ петысь пагӧдан турун моз.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Микей 3:4

Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Лыд 14:42

Энӧ мунӧй, ӧд Господь оз ло тіянкӧд! Мунанныд кӧ, вӧрӧгныд вермас тіянӧс.

Индӧд 29:20

Господь оз прӧстит татшӧм мортсӧ, а ӧзъяс скӧрлунӧн да кисьтас сы вылӧ Ассьыс ярлунсӧ. Сы вылӧ усяс [тайӧ йитӧдсӧ торкӧмысь] став ёрӧмыс, мый гижӧма тайӧ [Индӧд] небӧгас. Господь вуштас енэж улысь сылысь нимсӧ.

Индӧд 30:18

тіянӧс лоӧ бырӧдӧма. Тайӧс висьтала тіянлы талун. Ті дырсӧ онӧ олӧй сійӧ муас, [мый Господь, тіян Енныд, сетас тіянлы,] кытчӧ ті вуджанныд Йӧрдан ю сайӧ, медым босьтны сійӧс аслыныд.

Индӧд 30:19

Талун енэжыс да муыс водзын вӧзъя тіянлы олӧм и кулӧм, бурсиӧм и ёрӧм. Бӧрйӧй олӧмсӧ, медым ті да тіянсянь чужысьяс олінныд

Индӧд 31:18

Ме тупка наысь Ассьым чужӧмбанӧс налӧн мыж вӧчӧм вӧсна, ӧд найӧ бергӧдчисны мукӧд енъяслань.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Ёрдысьяс 6:13

Гедеон вочавидзис: «Ыджыдӧй, миянкӧд кӧ Господь, сідзкӧ, мыйла миянӧс шогъясыс суисны? Кӧні Сылӧн шензьӧданаторъясыс, мый йылысь висьтавлісны батьясным? Найӧ висьтавлісны миянлы, кыдзи Господь петкӧдӧма миянӧс Египетысь. Но ӧні Господь эновтӧма миянӧс, сетӧма мадианса киӧ».