Индӧд 31:13 - Коми Библия 2023

¹³ Тадзи водзӧ чужысьяс, кодъяс оз тӧдны Индӧдсӧ, кывзасны да велӧдчасны повны Господьысь, тіян Енмысь, став олан лунъяс чӧжныс сійӧ муас, кытчӧ ті ӧні вуджанныд Йӧрдан ю сайӧ, медым босьтны сійӧс аслыныд».

Индӧд 31:13 Iomraidhean Croise

Шусьӧгъяс 22:6

Веськӧд питӧ бур туй вылас ичӧтсяньыс, и весиг пӧрысь каднас сійӧ оз кеж сэтысь.

Левит 23:43

Тіянсянь чужысьяс та пыр мед тӧдмаласны, мый Ме овмӧді Израиль пиянӧс чомъясӧ, кор петкӧді найӧс Египет муысь. Ме – Господь, тіян Енныд».

Аггей 1:12

Зоровавель, Шеалтиэллӧн пиыс, да Исус аркирей, Иоседеклӧн пиыс, тшӧтш пленысь воӧм коляс войтырыс кывзысисны Господьлысь, асланыс Енлысь. Найӧ сибӧдісны-кывзісны Аггей пророклысь кывъяссӧ, ӧд Господь, налӧн Енмыс, мӧдӧдіс сійӧс на дінӧ. Войтырыс поліс-вежавидзис Господьысь.

Ефесӧ 6:4

Батьяс, энӧ дӧзмӧдӧй ассьыныд челядьнытӧ, но быдтӧй-велӧдӧй найӧс Господьлӧн кӧсйӧм серти.

Индӧд 11:2

Ныв-пиныд эз тӧдлыны да эз аддзывны тіян Господь Енлысь мыждӧмсӧ, эз аддзывны Сылысь ыджыд вынйӧрсӧ, Сылысь вына кисӧ да ён сойсӧ,

Индӧд 31:12

Чукӧртӧй войтырнытӧ: айуловӧс да аньясӧс, ныв-пинытӧ да тіян каръясын олысь йӧз муысь локтысьясӧс, мед найӧ кывзасны да велӧдчасны повны Господьысь, тіян Енмысь, да овны тайӧ Индӧдыслӧн кывъясыс серти.

Индӧд 31:14

Господь шуис Мӧисейлы: «Регыд тэ кулан. Чукӧст Исусӧс, сэсся сувтӧй сыкӧд вежа чом [пыранін] дорӧ. Сэні Ме сета сылы тшӧктӧмъяс». Мӧисей Исускӧд локтісны да сувтісны вежа чом [пыранін] дорӧ.

Индӧд 32:47

Тіянлы тайӧ абу куш кывъяс, ӧд тайӧ кывъясас тіян олӧмныд. Кутчысянныд кӧ тайӧ Индӧдас, ті дыр кутанныд овны сійӧ муас, кытчӧ ті вуджанныд Йӧрдан ю сайӧ, медым босьтны сійӧс аслыныд».

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.