Индӧд 30:20 - Коми Библия 2023

²⁰ да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Индӧд 30:20 Iomraidhean Croise

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 30:5

Мезды менӧ налькйысь, кодӧс гусьӧн октісны меным, ӧд Тэ – менам сайӧдчаніныс.

Псалтыр 36:9

Ӧд лёк вӧчысьясӧс лоӧ бырӧдӧма, а Господь вылӧ лача кутысьяслы вичмас му.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Левит 18:5

Кутчысьӧй Менам индӧд-тшӧктӧмъясӧ. На серти олысь наӧн пондас овны. Ме – Господь [тіян Енныд].

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 17:25

Мортсянь отсӧгыс Сылы оз ков, Сылӧн ставыс эм. Сійӧ Ачыс сетӧ быдӧнлы олӧм, ловшы да став коланасӧ.

Ап. уджъяс 17:28

Сыӧн ми олам, Сысянь лолалам да Сы улын ветлам. Тіян гижысьяс кодсюрӧ весиг шулӧмаӧсь: ”Ми ставным Сысянь чужысьяс”.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 10:12

«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 11:22

Кутанныд кӧ овны тіянлы сетӧм тшӧктӧмъяс серти, радейтны Господьӧс, ассьыныд Ентӧ, ветлыны Сылӧн туйясӧд да кутчысьны Сы дінӧ,

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.

Индӧд 12:10

Ті вуджанныд Йӧрдан ю сайӧ да овмӧдчанныд сійӧ муас, мый Господь, тіян Енныд, сетас тіянлы пыр кежлӧ. Сійӧ сетас тіянлы лӧнь олӧм, тіян гӧгӧр олысь вӧрӧгъясысь видзас. Ті кутанныд сэні повтӧг овны.

Индӧд 30:16

Кутанныд кӧ кывзыны асланыд Господь Енлысь тшӧктӧмъяссӧ, мый талун висьтала тіянлы, кутанныд кӧ радейтны Господьӧс, ассьыныд Ентӧ, ветлыны Сылӧн туйясӧд да овны Сылӧн индӧд-тшӧктӧмъяс серти, сэки ті кутанныд овны да чужтысьны-рӧдмыны. Господь, тіян Енныд, бурсиас тіянӧс сійӧ муас, кытчӧ ті мунанныд сійӧс босьтӧм могысь.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Индӧд 31:1

Мӧисей муніс да висьталіс тайӧ кывъяссӧ Израиль войтырлы:

Индӧд 32:47

Тіянлы тайӧ абу куш кывъяс, ӧд тайӧ кывъясас тіян олӧмныд. Кутчысянныд кӧ тайӧ Индӧдас, ті дыр кутанныд овны сійӧ муас, кытчӧ ті вуджанныд Йӧрдан ю сайӧ, медым босьтны сійӧс аслыныд».

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:4

А ті, кодъяс кутчысинныд Господь Енныд дінӧ, ӧніӧдз ловъяӧсь.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Нав Исус 23:11

Сідзкӧ, став сьӧлӧмсяньныд радейтӧй Господьӧс, ассьыныд Ентӧ.

Нав Исус 23:8

Кутчысьӧй Господь Енныд дінӧ, кыдзи вӧчинныд талунъя лунӧдз.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.