Индӧд 29:21 - Коми Библия 2023

²¹ Господь торйӧдас сійӧс Израиль чужанкотыръяс пӧвстысь, медым бырӧдны сійӧс став ёрӧмыс серти, мый гижӧма тайӧ Индӧд небӧгас.

Индӧд 29:21 Iomraidhean Croise

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Езекиль 13:9

Ме лэпта киӧс да мыжда пророкъясӧс, кодъяс абутӧмсӧ аддзӧны да ылӧгсӧ юӧртӧны. Менам войтырлӧн чукӧртчӧмын налы лоны оз позь, Израиль войтырлӧн небӧгӧ найӧс оз гижны, Израиль муӧ найӧ оз пырны. Сэки ті тӧдмаланныд, мый Ме – Господь Ыджыдыс.

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Матвей 24:51

Сійӧ кералас кесйӧгсӧ да шыбитас сійӧс кык бана шаньгаяс дінӧ. Сэні лоӧ бӧрдӧм да пинь йирӧм».

Матвей 25:32

Сы водзӧ чукӧртчасны войтыръяс, и Сійӧ торйӧдас найӧс, кыдзи видзысь торйӧдӧ ыжъяссӧ кӧзаяссьыс.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Индӧд 28:59

сэки Господь дойдас тіянӧс да тіянсянь чужысьясӧс дугдывлытӧм бырӧданторъясӧн да бурдлытӧм лёк висьӧмъясӧн.

Индӧд 28:61

Кытчӧдз онӧ бырӧй, Господь кутас мӧдӧдны тіян вылӧ быдсяма висьӧмсӧ да шогсӧ, [мый гижӧма и] мый весиг абу гижӧма тайӧ Индӧд небӧгас.

Индӧд 30:10

Тадзи лоӧ, ті кӧ кутанныд кывзысьны Господьлысь, асланыд Енлысь, овны Сылӧн индӧд-тшӧктӧмъяс серти, мый гижӧма тайӧ Индӧд небӧгас, да бергӧдчанныд кӧ став сьӧлӧмнад да став олӧмнад Господьлань, асланыд Енлань.

Индӧд 32:23

Ме ыста на вылӧ шогъяс, Ассьым ньӧвъясӧс на вылӧ лэдза.