Индӧд 28:68 - Коми Библия 2023

⁶⁸ Господь бӧр бергӧдас тіянӧс Египетӧ корабльяс вылын сійӧ туйӧдыс, мый йылысь ме шулі тіянлы, мый некор сэсся онӧ аддзылӧй сійӧс. Сэні ті ставныд, айулов и аньяс, кутанныд вӧзйыны вӧрӧглы, медым босьтас тіянӧс кесйӧг туйӧ, но некод оз ньӧб тіянӧс».

Индӧд 28:68 Iomraidhean Croise

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Эсфир 7:4

Ӧд менӧ да менсьым войтырӧс вузалісны бырӧдӧм вылӧ, миянӧс кӧсйӧны вины да дзикӧдз бырӧдны. Миянӧс кӧ вузалісны кесйӧг туйӧ, ме эськӧ чӧв олі да тэнӧ, ӧксыӧй, эг дӧзмӧд».

Петӧм 13:17

Кор фараон лэдзис Израиль войтырӧс, Енмыс эз нуӧд найӧс филистимсаяслӧн му пыр, кӧть тайӧ вӧлі медся дженьыд туйыс. Ен мӧвпыштіс, мый Израиль войтыр вермас бӧр бергӧдчыны Египетӧ, на вылӧ кӧ уськӧдчасны филистимсаяс.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Еремей 43:7

Войтырыс эз кывзы Господьӧс, а мӧдӧдчис Египетӧ да локтіс Тафнис карӧ.

Еремей 44:12

Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Лука 12:45

Но кесйӧгыс вермас мӧвпыштны: ”Ыджыдӧй дыр на оз лок”. Сійӧ пондас нӧйтны мукӧд кесйӧгъясӧс, сёйны-юны да кодавны.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.

Индӧд 28:67

Сьӧлӧмныд тырас полӧмӧн сыысь, мый аддзанныд. Асывнас кутанныд шуны, ӧдйӧджык пӧ мед рытыс воас, а рытнас – ӧдйӧджык пӧ мед асылыс воас.

Индӧд 29:1

Моав муын Господь тшӧктіс Мӧисейлы содтыны тайӧ кывъяссӧ сійӧ йитӧд дорас, мый Господь кӧрталіс Израиль пиянкӧд Хорив керӧсын.