Индӧд 28:53 - Коми Библия 2023

⁵³ Кор вӧрӧгныд дзескӧдас тіянӧс да кытшалас тіянлысь каръяснытӧ, ті кутанныд сёйны Господьӧн, тіян Енмӧн, тіянлы сетӧм ныв-пиныдлысь яйсӧ.

Индӧд 28:53 Iomraidhean Croise

Еремей 19:9

Ме вӧча сідзи, мый тайӧ карас олысьяс пондасны сёйны асланыс ныв-пилысь яйсӧ. Ыджыд шог дырйи, кор вӧрӧг кытшалас да дзескӧдас найӧс, и кӧсъяс босьтны налысь олӧмсӧ, найӧ пондасны сёйны ӧта-мӧдныслысь яйсӧ.

Бӧрданкыв 2:20

Видзӧдлы, Господьӧй, видзӧдлы, кодлы Тэ тадзисӧ вӧчин! Мамъяс сёйӧны челядьнысӧ, морӧснас нёньӧдӧм каганысӧ. Господьлӧн вежаинын куйлӧны виӧм попъяс да пророкъяс.

Бӧрданкыв 4:10

Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Левит 26:29

Ныв-пиныдлысь яйсӧ ті сёйны кутанныд.

Матвей 24:19

Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы.

Индӧд 28:18

Ёрӧма тэнсьыд ныв-питӧ, мувыв быдтас-вотӧстӧ, мӧсъясыдлысь куканьяссӧ да ыжъясыдлысь баляяссӧ.

Индӧд 28:54

Весиг небыд сьӧлӧма да лелькуйтӧм айлов кутас лӧгпырысь видзӧдны аслас вокыс вылӧ, аслас гӧтырыс вылӧ да ныв-пиыс вылӧ, кодъяс лоӧны ловъяӧсь на.

Индӧд 28:55

Сійӧ оз сет налы кулӧм ныв-пиыслысь яйсӧ, но ачыс сёяс, ӧд мӧд сёяныс сылӧн оз ло, кор вӧрӧгныд дзескӧдас тіянӧс да кытшалас тіянлысь каръяснытӧ.

Индӧд 28:57

оз сет налы кага чужтӧм бӧрся няйтсӧ да пузчужӧм кагасӧ, ӧд сійӧ тшыгъялігас кутас ачыс гусьӧн сёйны найӧс, кор вӧрӧгныд дзескӧдас тіянӧс да кытшалас тіянлысь каръяснытӧ.