Индӧд 28:49 - Коми Библия 2023

⁴⁹ Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

Индӧд 28:49 Iomraidhean Croise

Олӧм 11:7

Вай лэччам да сорлалам налысь кывсӧ, медым дугдасны гӧгӧрвоны ӧта-мӧднысӧ».

Псалтыр 81:5

Ті нинӧм онӧ тӧдӧй, нинӧм онӧ гӧгӧрвоӧй, ветланныд пемыдас, та вӧсна муыслӧн подулыс вӧрӧ.

Шусьӧгъяс 30:19

кутшлысь енэжті лэбалӧмсӧ, змейлысь изъяс вывті кыссьӧмсӧ, корабльлысь саридзті кывтӧмсӧ, айловлысь ань дінӧ сьӧлӧм кыскӧмсӧ.

Исай 33:19

Водзӧ тэ он нин аддзы чорыд сьӧлӧма войтырӧс, кодлӧн сёрниыс нума-намакылӧм кодь, кодлӧн кывйыс тешкодь да гӧгӧрвотӧм.

Исай 39:3

Исай пророк локтіс Езекей ӧксы дінӧ да юаліс: «Мый висьталісны тайӧ йӧзыс? Кытысь найӧ волісны тэ дінӧ?» Езекей вочавидзис: «Найӧ волісны ылі муысь, Вавилонысь».

Исай 7:18

Сійӧ лунӧ Господь чукӧстас Нил ю дорысь гутъясӧс, Ассур муысь мазіясӧс.

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Еремей 48:40

Господь тадзи висьталӧ: – Кутш моз вӧрӧг уськӧдчас Моав вылӧ, шевкнитас бордъяссӧ сы весьтын.

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Бӧрданкыв 4:19

Енэжвыв кутш дорысь тэрыбӧсь вӧліны миянӧс вӧтӧдысьяс, найӧ вӧтлысисны миян бӧрся керӧсъяс вывті, кыйӧдісны миянӧс овтӧминын.

Езекиль 11:9

Ме вӧтла тіянӧс тайӧ карсьыс да сета тіянӧс йӧз муысь локтысьяс киӧ. Ме мыжда тіянӧс,

Езекиль 17:12

«Тайӧ асныра войтырыс оз ӧмӧй гӧгӧрво, мый йылысь тайӧ нӧдкывйыс? Висьтав налы: вавилонса ӧксы локтіс Ерусалимӧ, босьтіс пленӧ ӧксыӧс да юралысьяссӧ и нуӧдіс найӧс Вавилонӧ.

Езекиль 17:3

Шу налы: – Господь Ыджыдыс тадзи висьталӧ: Ливан керӧс вылӧ ыджыд кутш пуксис, сійӧ вӧлі ыджыд бордъяса, уна рӧма гӧныс вӧлі пашкыр да кузь. Сійӧ чегис сус пулысь йывсӧ,

Езекиль 3:6

Тэнӧ мӧдӧдӧма абу тӧдтӧм кывъя да гӧгӧрвотӧм сёрниа войтыръяс дінӧ, кодъяслысь кывъяссӧ тэ он гӧгӧрво. На дінӧ кӧ мӧдӧді, найӧ эськӧ кывзісны тэнӧ.

Даниил 7:4

Медводдзаыс вӧлі лев кодь, сылӧн вӧліны кутшлӧн кодь бордъяс. Ме аддзи, мый сылысь бордъяссӧ орӧдісны, сійӧс кыпӧдісны да мортӧс моз сувтӧдісны кок йылас, и сылы сетісны морт сьӧлӧм.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Лыд 24:24

Киттимсянь локтасны корабльяс, вермасны Ассурӧс, вермасны Эверӧс, но и найӧс асьнысӧ лоӧ дзикӧдз бырӧдӧма.

Матвей 24:28

Кӧні шой, сэтчӧ чукӧртчасны кутшъяс».

1 Коринфӧ 14:21

Индӧдас гижӧма: – Кута сёрнитны тайӧ войтырыскӧд мукӧд кывъяс вылын, локтысь йӧз вомӧн, но весиг сэки найӧ оз кывзыны Менӧ, – висьталӧ Господь.