Индӧд 28:31 - Коми Библия 2023

³¹ Тэнсьыд ӧштӧ син водзад начкасны, но яйсӧ он сёй. Осёлтӧ мырддясны да бӧрсӧ оз сетны. Ыжъястӧ вӧрӧгыд босьтас, но тэнӧ некод оз дорйы.

Индӧд 28:31 Iomraidhean Croise

Иов 20:28

Аслас керкаӧ чукӧртӧм озырлуныс бырас-вошас, Енлӧн скӧралан лунӧ ставыс кылалас ва вывті моз.

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Еремей 5:17

Найӧ сёясны тэнсьыд кӧдзастӧ и няньтӧ, виасны тэнсьыд пиянтӧ и нывъястӧ, сёясны тэнсьыд ыжъястӧ и ӧшъястӧ, виноградтӧ и инжиртӧ. Шыпуртӧн найӧ бырӧдасны изкаръяснытӧ, мый вылӧ ті лача кутанныд.

Индӧд 28:30

Тэ кикутан, но гӧтырпуыдкӧд мӧд узяс. Лэптан керка, но сэтчӧ он овмӧдчы. Виноград пуктан, но вотӧссӧ сэтысь он босьт.

Индӧд 28:32

Ныв-пиыд шедас мукӧд войтырлӧн киӧ, и тэ нинӧм он вермы вӧчны. Найӧс лунысь-лун виччысьӧмысь синмыд чусмас.

Ёрдысьяс 6:1

Израиль пиян бара вӧчисны Господь водзын шогмытӧмсӧ. Таысь Господь сетіс найӧс мадиансаяс киӧ сизим во кежлӧ.

Ёрдысьяс 6:4

сувтӧдӧны сэтчӧ ассьыныс чомъяснысӧ, нырӧны-талялӧны да куштӧны налысь мувыв быдтассӧ весиг Газа кар дорӧдз. Найӧ кольлісны Израиль войтырӧс сёянтӧг, мырддьывлісны налысь ыжъяссӧ, ӧшъяссӧ да осёлъяссӧ.