Индӧд 27:24 - Коми Библия 2023

²⁴ ”Ёрӧм улӧ веськалӧ быдӧн, коді гусьӧн виӧ матыссасӧ”. И став войтырыс мед шуас: ”Мед лоӧ тадзи!”

Индӧд 27:24 Iomraidhean Croise

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Ӧксыяслӧн 3 небӧг 2:5

Тэ ӧд тӧдан, мый Саруялӧн Йоав пиыс вӧчис меным. Тэ тӧдан, мый сійӧ виис израильса тышкайӧзӧн кык веськӧдлысьӧс, Нирлысь Авенир писӧ да Етерлысь Амессай писӧ. Лӧнь кад дырйи тышын моз вир кисьтіс, вирӧсьтіс коссьыс вӧньсӧ да коксьыс кӧмсӧ.

Петӧм 20:13

Эн ви.

Левит 24:17

Коді мортӧс виас, сійӧс асьсӧ мед виасны.

Лыд 35:30

Морт виысьӧс вины позьӧ сӧмын сэки, кор эмӧсь аддзылысь-висьталысьяс. Ӧтилӧн висьталӧмыс абу тырмана, медым вины морт виысьӧс.

Лыд 35:31

Энӧ босьтӧй вештысян донсӧ морт виысьлысь, кодӧс мыждӧма, ӧд сійӧс колӧ вины.