Индӧд 27:19 - Коми Библия 2023

¹⁹ ”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Индӧд 27:19 Iomraidhean Croise

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

Шусьӧгъяс 31:5

Код юрнад вунӧдан индӧдсӧ, коньӧръясӧс он веськыда мыжды.

Левит 19:33

Йӧз муысь локтысьӧс энӧ дзескӧдӧй.

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Индӧд 10:18

Сійӧ дорйӧ батьтӧм-мамтӧмъясӧс да дӧваясӧс, радейтӧ йӧз муысь локтысьясӧс, вердӧ да пасьтӧдӧ найӧс.

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.