Индӧд 27:15 - Коми Библия 2023

¹⁵ ”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

Индӧд 27:15 Iomraidhean Croise

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Олӧм 9:25

да шуис: «Ёрӧма Ханаанӧс, сійӧ лоас кесйӧгӧн вокъясыслӧн кесйӧгъяслы».

Ӧксыяслӧн 4 небӧг 17:19

Но Иуда чужанкотыр тшӧтш торкаліс аслас Господь Енлысь тшӧктӧмъяссӧ да оліс израильсаяс моз.

Ӧксыяслӧн 4 небӧг 23:13

Ӧксы пежаліс вись ваян мылькъяс, кодъяс сулалісны Ерусалимсянь асыввылын, Бырӧдӧмлӧн керӧссянь лунвылын. Найӧс коркӧ вӧчліс израильса Соломон ӧксы, мед юрбитны сидонсаяслӧн зывӧк Астарта идоллы, моавсаяслӧн зывӧк Кемош идоллы да аммон войтырлӧн зывӧк Милком идоллы.

1 Каднебӧг 16:36

Ошкӧм Господьлы, Израильлӧн Енлы, нэмъяс чӧж! Став войтырыс шуис: «Аминь!» да ошкис Господьӧс.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Петӧм 20:23

Энӧ вӧчӧй аслыныд эзысь да зарни енъясӧс.

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Петӧм 34:17

Энӧ сывдӧй аслыныд бӧлбанъясӧс.

Исай 44:13

Пуысь вӧчасьысь [бӧрйӧм] пусӧ мурталӧ кӧвйӧн, вӧчӧ сэтчӧ серпас, ёсь пуртӧн вундалӧ серпас сертиыс, вӧчӧ пусьыс мича мыгӧра морт кодь идолӧс, пуктӧ сійӧс керка пытшкас.

Исай 44:17

Мӧд джынсьыс сійӧ вӧчӧ енмӧс, вӧчӧ аслыс бӧлбанӧс да юрбитӧ сылы, копрасьӧ сылы да кевмысьӧ: «Мезды менӧ, ӧд тэ – менам ен».

Исай 44:19

Мортыс весиг оз мӧвпыштлы, сылӧн оз тырмы вежӧрыс, оз тырмы мывкыдлуныс, медым шуны: «Пу джынсӧ ме соті биын, биа ӧгыръяс вылын ме пӧжалі нянь, дасьті яй да сёйи сійӧс. А пуыслӧн колясысь ӧмӧй ме вӧча зывӧктор? Ме ӧмӧй понда юрбитны путорлы?»

Еремей 11:3

Юӧрт налы, мый Господь, Израильлӧн Ен, тадзи висьталӧ: ёрӧма быдӧнӧс, коді оз кывзы тайӧ йитӧдлысь тшӧктӧмъяссӧ.

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Еремей 28:6

Еремей пророк шуис: «Господь мед вӧчас дзик тадзи. Господь мед збыльмӧдас тэнсьыд пророкалӧмтӧ да Вавилонысь бӧр бергӧдас татчӧ Господьлӧн керкалысь дозмук-кӧлуйсӧ да пленӧ нуӧдӧмаясӧс.

Езекиль 14:4

Шу налы, мый Господь Ыджыдыс тадзи висьталӧ: Израиль войтырысь кӧ кодкӧ сьӧлӧмнас кӧртасяс идолъяс дінӧ да син водзас сувтӧдас мыжас уськӧдантор, а сэсся локтас пророк дінӧ, татшӧм мортлы Ме, Господь, вочавидза сідзи, кыдзи колӧ вочавидзны уна идоллы юрбитысь мортлы.

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

Даниил 11:31

Сійӧ мӧдӧдас ассьыс тышкайӧзсӧ, и найӧ пежаласны ыджыд да вежа крамсӧ. Найӧ дугӧдасны сэні быдлунся вись вайӧм да сувтӧдасны сэтчӧ пеж зывӧксӧ.

Даниил 9:11

Ми, Израиль войтыр, торким Тэнсьыд Индӧдтӧ, бергӧдчим Тэысь да эгӧ кывзӧй Тэнӧ. Миянӧс суис ёрӧм да мыждӧм, мый йылысь гижӧма Ен кесйӧг Мӧисейлӧн Индӧдын, ӧд ми мыж вӧчим Тэныд паныд.

Левит 19:4

Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.

Левит 26:1

«Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.

Лыд 5:22

кор ёрӧмсӧ вайысь ваыс пырас пытшкӧсад”. Ань мед шуас: ”Аминь, мед лоас тадзи”.

Матвей 24:15

«Кор ті аддзанныд вежаинсьыс пеж зывӧксӧ, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

1 Коринфӧ 14:16

Тэ кӧ кутан ошкыны Енсӧ сӧмын ловнад, сэки орччӧн сулалысь морт гӧгӧрвотӧгыс оз вермы шуны ”аминь” тэнад ошкӧм вылӧ. Сійӧ ӧд оз гӧгӧрво тэнсьыд висьталӧмтӧ.

Индӧд 27:14

Левитъяс мед гораа юӧртасны Израиль войтырлы:

Индӧд 29:17

Ті аддзылінныд налысь пуысь, изйысь, эзысьысь да зарниысь вӧчӧм зывӧк бӧлбанъяссӧ.

Индӧд 4:25

Сійӧ муас олігӧн, кор тіян чужасны ныв-пи, и налӧн чужасны челядь, видзчысьӧй, медым энӧ сетчӧй пежас да энӧ вӧчӧй некутшӧм бӧлбанӧс либӧ серпасалӧм идолӧс. Татшӧм шогмытӧмсӧ кӧ вӧчанныд Господь Енныд водзын, ті дӧзмӧданныд Сійӧс.

Индӧд 5:8

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Ёрдысьяс 17:3

Микей бӧр сетіс мамыслы сюрс сё сикель эзысьсӧ. Мамыс шуис: «Тайӧ эзысьсӧ ме вежӧда-торйӧда Господьлы пиӧй вӧсна. Ме вӧчӧда эзысь бӧлбанӧс да сета тэныд, пиӧй».

Ёрдысьяс 17:4

Бӧр вайӧм эзысьысь мамыс босьтіс кыксё сикель эзысь да сетіс эзысьысь вӧчасьысьлы, коді сывдіс бӧлбанӧс. Сійӧ кадсяньыс бӧлбаныс сулаліс Микей керкаын.

Ӧксыяслӧн 1 небӧг 26:19

Кывзы менӧ, ӧксыӧй-ыджыдӧй! Господь кӧ ышӧдіс тэнӧ меным паныд, мед висьлӧн чӧскыд дукыс бурмӧдас Сылысь сьӧлӧмсӧ. А йӧз кӧ ышӧдісны, мед лоӧ ёрӧма найӧс Господь водзын, ӧд найӧ вӧтлісны менӧ Господьлӧн муысь да тшӧктісны юрбитны мукӧд енъяслы.