Индӧд 26:5 - Коми Библия 2023

⁵ И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Индӧд 26:5 Iomraidhean Croise

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 24:4

но мунан менам чужанінӧ рӧдвужӧй дінӧ да сэтысь ваян пиӧйлы гӧтырсӧ».

Олӧм 25:20

Исааклы вӧлі нелямын арӧс, кор сійӧ босьтіс гӧтырӧ Бетуэллысь Ревекка нывсӧ, Лаванлысь чойсӧ. Найӧ вӧліны Месопотамияын олысь арамейяс.

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 28:5

Исаак ыстіс Яковӧс, и сійӧ мӧдӧдчис Месопотамияӧ арамей Бетуэллӧн Лаван пиыс дінӧ. Лаван вӧлі Ревеккалӧн вокыс, Яковлӧн да Исавлӧн чожныс.

Олӧм 31:20

Нинӧм висьтавтӧг Яков пышйис арамей Лаван дорысь

Олӧм 31:24

Войнас узигас арамей Лаванлы петкӧдчис Ен. Сійӧ шуис: «Эн вид Яковӧс».

Олӧм 31:40

Лунся жарас ме пӧжси, а войся кӧдзыдсьыс кынмавлі, унпӧтӧй меным эз шедлы.

Олӧм 43:12

Сьӧмтӧ босьтӧй воддза дорсьыс кык пӧв унджык, медым мешӧкъясаныд пуктӧм сьӧмсӧ бӧр верминныд сетны. Гашкӧ, тіянлы тӧдлытӧг пуктісны.

Олӧм 45:11

Сэні ме верда тіянӧс, и аслад котырыдкӧд тэ он пӧр корысьӧ. Ӧд тшыг кад кыссяс вит во чӧж на”.

Олӧм 45:7

Енмыс мӧдӧдіс менӧ татчӧ тіянысь водзджык, медым кольны рӧднытӧ му вылас, видзны олӧмнытӧ да мездыны тіянӧс.

Олӧм 46:27

Египетын Ӧсиплӧн чужис кык пи. Тадзи Яков рӧдысь сизимдас [вит] морт овмӧдчисны Египетӧ.

Олӧм 47:27

Израильсаяс олісны Египетын, Гошен муын, мый вӧлі сетӧма налы. Сэні найӧ чужтысисны да ёна рӧдмисны-паськалісны.

Олӧм 47:4

Ми локтім овны тайӧ муас, ӧд ыж-мӧснымлы йирсяніныс эз ло. Ханаан муын ёна тшыгъялӧны. Лэдз миянлы овмӧдчыны Гошен муӧ».

Петӧм 1:12

Кымын ёнджыка топӧдісны Израиль войтырӧс, сымын ёнджыка найӧ рӧдмисны-паськалісны. Египетсаясӧс таысь полӧм босьтіс,

Петӧм 1:5

Яковсянь чужысьыс ставнас вӧлі сизимдас [вит] морт. Ӧсип сэки оліс нин Египетын.

Петӧм 1:7

Израиль войтырлӧн чужис зэв уна ныв-пи. Тадзи войтырыс ёна содіс да паськаліс став му пасьталаыс.

Осий 12:12

Яков пышйис Арам муӧ, Израиль кесъяліс гӧтырпуыс вӧсна, гӧтырпуыс вӧсна сійӧ видзис ыжъясӧс.

Осий 12:13

Господь петкӧдіс Израиль войтырӧс Египетысь, пророк нуӧдіс найӧс, пророк пыр Господь видзис найӧс.

Ап. уджъяс 7:15

Тадзи Яков вуджис Египетӧ, сэні сійӧ куліс, батьясным тшӧтш сэні кулісны.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 10:22

Египетӧ локтігӧн тіян батьяслӧн лыдыс вӧлі сизимдас [вит] морт, а ӧні Господь, тіян Енныд, содтіс тіянӧс, и ті лоинныд енэжвыв кодзувъяс мында».

Индӧд 26:4

Поп мед босьтас тэнад киысь кудсӧ да пуктас сійӧс тэнад Господь Енлӧн висьпуктанін водзӧ.

Индӧд 7:7

Господь бӧрйис да сибӧдіс тіянӧс эз лыдныд серти, ӧд ті войтыръяс пӧвстын этшаӧнӧсь.