Индӧд 26:14 - Коми Библия 2023

¹⁴ Бӧрдан лунъясӧ ме эг сёй вежаторсӧ, эг инмӧдчыв сы дінӧ, кор ачым вӧлі пеж, да эг вайлы кулӧмаяслы. Ме кывзыси Господьлысь, аслам Енлысь. Вӧчи ставсӧ Тэнад тшӧктӧм серти.

Индӧд 26:14 Iomraidhean Croise

Псалтыр 106:28

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Еремей 16:7

Кулӧм морт вӧсна шогсьысьлы бурӧдӧм могысь некод оз сет няньтор, бать-мам вӧсна шогсьысьлы некод оз сет юантор, медым бурӧдны сійӧс.

Езекиль 24:17

Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

Осий 9:4

Найӧ оз пондыны вайны Господьлы вина вись, налӧн висьясыс Господьлы оз лоны шогманаӧсь, а ваясны налы кулӧм да пежаласны сёйысьясӧс. Висьяссӧ найӧ асьныс кутасны сёйны, Господьлӧн керкаӧ оз вайны.

Левит 21:1

Господь шуис Мӧисейлы: «Висьтав попъяслы, Аарон пиянлы, медым аслас рӧдвужысь кулӧм морт дінӧ инмӧдчӧмӧн эз пежавны асьнысӧ.

Левит 21:11

Сылы оз позь матыстчыны кулӧм морт дінӧ, весиг кӧ тайӧ сылӧн батьыс либӧ мамыс – асьсӧ сылы пежавны оз позь.

Левит 7:20

А коді пеж, но сёяс Господьлы вайӧм бурасян висьлысь яйсӧ, сійӧс лоӧ бырӧдӧма аслас войтыр пӧвстысь.

Малакий 2:13

Со мый ті нӧшта вӧчанныд: кыз синваӧн бӧрданныд Господьлӧн висьпуктанін дорын, сыркъялӧмӧн бӧрданныд, ӧд Господь бергӧдчис тіян вись дорысь, эз сибӧд вайӧмторнытӧ.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 15:5

сӧмын понданныд кӧ сьӧлӧмсяньныд кывзысьны Господьлысь, асланыд Енлысь, да овны став тайӧ тшӧктӧмыс серти, мый талун висьтала тіянлы.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 26:13

висьтав Господьлы, аслад Енлы: ”Ме нуи аслам керкаысь вежатор да сеті левитлы, йӧз муысь локтысьлы, батьтӧм-мамтӧмлы да дӧвалы Тэнад тшӧктӧмыд серти. Ме эг вунӧд да эг торк Тэнсьыд тшӧктӧмъястӧ.

Индӧд 26:15

Видзӧдлы Аслад вежа оланінсянь, енэжсяньыд, да бурси Ассьыд Израиль войтыртӧ да тайӧ мусӧ, кӧні визувтӧ йӧв да ма, мусӧ, мый Тэ сетін миянлы, кыдзи кыв сетӧмӧн кӧсйысин миян батьяслы”.