Индӧд 25:8 - Коми Библия 2023

⁸ Карса юрнуӧдысьяс мед корасны сійӧ мортсӧ да сёрнитасны сыкӧд. Но мортыс кӧ шуас, мый оз босьт вокыслысь дӧвасӧ гӧтырӧ,

Индӧд 25:8 Iomraidhean Croise

Индӧд 25:7

Но кулӧм мортлӧн вокыс кӧ оз кӧсйы босьтны дӧваӧс гӧтырӧ, дӧваыс мед локтас карса дзиръя дорӧ да шуас юрнуӧдысьяслы, мый кулӧм верӧсыслӧн вокыс оз кӧсйы босьтны сійӧс гӧтырӧ, медым видзны вокыслысь нимсӧ Израильын.

Индӧд 25:9

дӧваыс мед матыстчас сы дінӧ да юрнуӧдысьяс дырйи пӧрччӧдас сылысь ӧтар коксьыс кӧмсӧ, сьӧлыштас чужӧмас да шуас: ”Тадзи вӧчӧны [израильса] мортлы, коді оз кӧсйы нюжӧдны вокыслысь рӧдсӧ”.

Руфа 4:4

Та йылысь ме кӧсйи сёрнитны тэкӧд. Тані пукалысьяс да войтырлӧн юрнуӧдысьяс дырйи тэ верман ньӧбны мусӧ. А он кӧ кӧсйы ньӧбны, висьтав, медым ме тӧді. Тэысь водзджык некод оз вермы ньӧбнысӧ, а он кӧ ньӧб, ме верма». Рӧдвуж мортыс воча шуис: «Ме ньӧба».

Руфа 4:6

Та бӧрын рӧдвуж мортыс шуис: «Ме ог вермы ньӧбны Ноеминьлысь мусӧ, ӧд менам пиянлы тайӧ муыс оз вудж. Тэ ньӧб тайӧ мусӧ, ме ог вермы».

Руфа 4:7

Важӧн Израиль войтыр мусӧ ньӧбигӧн либӧ мӧдлы вуджӧдігӧн сёрнитчӧмсӧ вынсьӧдлісны тадзи: ӧтарыс пӧрччыліс ассьыс кӧмсӧ да сетліс сійӧс мӧдыслы [кодлы вуджӧ вӧлі рӧдыслӧн муыс] – тайӧ вӧлі сёрнитчӧм йылысь пасӧн Израиль войтыр пӧвстын.