Индӧд 24:19 - Коми Библия 2023

¹⁹ Няньтӧ вундіганыд кӧ му вылӧ вунӧданныд кольта, энӧ бергӧдчӧй сыла. Мед сійӧ вичмас йӧз муысь локтысьлы, [гӧльлы,] батьтӧм-мамтӧмлы либӧ дӧвалы. Сэки Господь, тіян Енныд, бурсиас тіянӧс быд уджын.

Индӧд 24:19 Iomraidhean Croise

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Шусьӧгъяс 14:21

Коді матыссасӧ мустӧмтӧ, сійӧ мыж вӧчӧ, коді гӧль морт дінӧ бур сьӧлӧма, сійӧ – майбыр.

Шусьӧгъяс 19:17

Гӧль мортлы отсалысь водзӧсӧн сетӧ Господьлы, ӧд Господь мынтысяс сылы бурсӧ вӧчӧмысь.

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Левит 23:22

Няньнытӧ вундігӧн му бокъяссӧ кольӧй вундытӧг. Вундӧм дырйи усьласьӧм шепсӧ энӧ чукӧртӧй. Гӧльяслы да йӧз муысь локтысьяслы чукӧртны кольӧй. Ме – Господь, тіян Енныд».

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Лука 6:38

Сетӧй, сэки тіянлы сетасны. Сетасны бур муртӧсӧн, топыда тувкӧдӧмӧн, моздор тырныд сӧвтӧмӧн. Асланыд мурталӧм серти тіянлы мурталасны».

Индӧд 14:29

медым левитъяс, кодъяслӧн абу му юкӧныс, а сідзжӧ йӧз муысь локтысьяс, батьтӧм-мамтӧмъяс да дӧваяс, кодъяс олӧны тэнад карын, вермисны локны да пӧттӧдзныс сёйны. Сэки Господь, тэнад Енмыд, бурсиас тэнӧ быд уджын».

Индӧд 15:10

Сет сылы лышкыда [и уджйӧзӧн сет, мыйта корӧ да мыйта сылы колӧ]. Сетігад сьӧлӧмыд мед оз шогсьы, ӧд гӧль воклы сетӧмсьыд Господь, тэнад Енмыд, бурсиас тэнӧ быд уджын.

Индӧд 24:18

Энӧ вунӧдӧй, мый ті асьныд вӧлінныд кесйӧг туйынӧсь Египетын, и Господь, тіян Енныд, мездіс тіянӧс сэтысь. Та вӧсна тшӧкта тіянлы тадзи вӧчны.

Индӧд 26:13

висьтав Господьлы, аслад Енлы: ”Ме нуи аслам керкаысь вежатор да сеті левитлы, йӧз муысь локтысьлы, батьтӧм-мамтӧмлы да дӧвалы Тэнад тшӧктӧмыд серти. Ме эг вунӧд да эг торк Тэнсьыд тшӧктӧмъястӧ.

Руфа 2:16

Мӧдарӧ, вундіганыд кольтаяссьыныд пыркӧдыштӧй шепсӧ да колялӧй сылы, мед ӧктӧ [да сёйӧ]. Энӧ пинялӧй сійӧс».

Руфа 2:2

Моавса Руфа шыасис Ноеминь дорӧ: «Позяс-ӧ меным видз-му вылӧ петавны? Лэдзасны кӧ, усьласьӧм шепсӧ ӧктышта». Ноеминь вочавидзис: «Ветлы, нылӧй».