Индӧд 22:24 - Коми Библия 2023

²⁴ тіянлы колӧ кыкнаннысӧ вайӧдны карса дзиръя дорӧ да кувтӧдзныс изъявны – нывсӧ сыысь, мый эз горзы, ӧд карын позьӧ вӧлі корны отсӧг, а айловсӧ сыысь, мый янӧдіс матыссаыслысь гӧтырсӧ. Бырӧдӧй лёксӧ ас пӧвстсьыныд.

Индӧд 22:24 Iomraidhean Croise

Олӧм 29:21

Яков шуис Лаванлы: «Сет меным гӧтырӧс, медым сыкӧд ӧтлаын овны, ӧд кадыс воис нин».

Иов 31:11

Татшӧм пеж вӧчӧмыс – мыж, мыйысь колӧ мыждыны.

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Матвей 1:20

Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.

Матвей 1:24

Садьмӧм бӧрас Ӧсип вӧчис Господьлӧн андел тшӧктӧм серти: босьтіс Марияӧс гӧтырӧ,

1 Коринфӧ 5:2

Оз ӧмӧй тіянлы ков шогсьыны та вӧсна да вӧтлыны ас дорсьыныд татшӧм мортсӧ? А ті пыр на ышнясянныд.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 17:7

Медводз мед изнас лыйӧны аддзылысь-висьталысьяс, а на бӧрын – мукӧдыс. Бырӧдӧй лёксӧ ас пӧвстсьыныд».

Индӧд 21:14

Но сійӧ кӧ мустӧммас тэныд, лэдз сылы мунны, кытчӧ кӧсйӧ. Эн вузав сійӧс ни эн видз кесйӧг туйӧ, ӧд тэ янӧдін сійӧс.

Индӧд 22:23

Карын кӧ айлов паныдалас нылӧс, коді кикутӧма мӧдкӧд, и узяс сыкӧд,

Индӧд 22:25

Видз-му вылын кӧ айлов паныдасяс нывкӧд, коді кикутӧма мӧдкӧд, да мырдӧналӧмӧн узяс сыкӧд, айловсӧ колӧ вины ӧтнассӧ.