Индӧд 20:20 - Коми Библия 2023

²⁰ Но вотӧс вайтӧм пуяссӧ верманныд керавны да карсӧ босьтӧм могысь вӧчавны содъяс, кытчӧдз карыс оз ло тіян».

Индӧд 20:20 Iomraidhean Croise

Ӧксыяслӧн 4 небӧг 3:19

Ті босьтанныд налысь став изкарсӧ да ыджыд каръяссӧ, кераланныд налысь бур пуяссӧ, тырталанныд ва петанінъяссӧ да налӧн бур видз-муяс вылӧ шыблаланныд изъяс».

2 Каднебӧг 26:15

Ерусалимын башняяс вылӧ да карса стен пельӧсъясӧ Озей сувтӧдаліс кужӧмӧн вӧчӧм лыйсянторъяс, медым на отсӧгӧн лыйлыны ньӧвъяс да ыджыд изъяс. Озейлӧн нималӧмыс ылӧдз паськаліс. Кор сылӧн юралӧмыс эз на вӧв зумыд, Енмыс пыр отсавліс сылы.

Еклесиаст 9:14

Вӧлі ичӧтик кар. Олысьыс сэні эз вӧв уна. Вына ӧксы уськӧдчис тайӧ карыс вылӧ, кытшаліс сійӧс да лэптіс сы гӧгӧр джуджыд тымӧд.

Исай 37:33

Ассурса ӧксы йылысь Господь тадзи висьталӧ: – Сійӧ оз пыр тайӧ карас, оз лый сэтчӧ ньӧвъяссӧ, оз матыстчы сы дорӧ сайӧдӧн, оз лэпты сы гӧгӧр тымӧд.

Еремей 33:4

Господь, Израильлӧн Ен, тадзи висьталӧ: вӧрӧглӧн тымӧдысь да шыпуртысь тайӧ карыслӧн керкаясыс да иудаса ӧксыяслӧн керкаясыс киссясны.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Езекиль 17:17

Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Индӧд 20:19

Дыр кад кӧ тіянлы ковмас кытшавны кутшӧмкӧ кар, медым уськӧдчыны сы вылӧ да босьтны сійӧс, карлӧн матігӧгӧрсьыс вотӧса пуяссӧ энӧ кералӧй, найӧ вердасны тіянӧс. Пуясыд ӧд абу йӧз, найӧс оз ков бырӧдны.

Индӧд 21:1

«Сійӧ муас, мый Господь, тіян Енныд, сетас тіянлы, тэ кӧ аддзан видз-му вылысь мортлысь шойсӧ, и некод оз тӧд, коді сійӧс виис,