Индӧд 19:13 - Коми Библия 2023

¹³ Сы дінӧ сьӧлӧмнаныд энӧ нормӧй. Тадзи ті вештанныд мыжтӧм вирсӧ Израиль вылысь, и тіянлы лоӧ бур».

Индӧд 19:13 Iomraidhean Croise

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Ӧксыяслӧн 2 небӧг 14:7

Та бӧрын став рӧдвужӧй сувтіс меным паныд. Найӧ шуалісны, сет пӧ миянлы питӧ, ассьыс воксӧ виысьӧс. Ми пӧ виам сійӧс вокыс вӧсна, мед сылы батьыслӧн овмӧсыс оз вудж. Ӧксыӧй, найӧ кӧсйӧны кусӧдны менсьым бӧръя бикиньсӧ, мед бырӧдны верӧслысь нимсӧ да сысянь чужысьӧс».

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Ӧксыяслӧн 2 небӧг 21:14

Найӧс дзебисны ӧтлаын Саулкӧд да Ионафанкӧд Венямин муӧ Села карӧ, Сауллӧн Кис батьыслӧн дзебанінӧ. Ставсӧ вӧчисны ӧксылӧн тшӧктӧм серти. Та бӧрын Енмыс кыліс войтырлысь му вӧсна кевмӧмсӧ.

Ӧксыяслӧн 3 небӧг 2:31

Ӧксы шуис Бенайлы: «Вӧч, кыдзи шуӧ Йоав. Ви сійӧс сэні да гуав. Тадзи вештан ме вылысь да менам батьлӧн рӧд вылысь мыжтӧм йӧзлысь вирсӧ, мый Йоав кисьтіс.

Езекиль 16:5

Мый колӧ вӧлі вӧчны, эз вӧчны тэныд. Некод эз жалит тэнӧ, эз бурсьӧлӧмтчы тэ дінӧ. Кор тэ чужин, тэнӧ шыбитісны эрд вылӧ, тадзи увтыртісны тэнӧ.

Левит 24:17

Коді мортӧс виас, сійӧс асьсӧ мед виасны.

Левит 24:21

Коді пемӧсӧс виас, мед вештысяс сыысь, а коді мортӧс виас, сійӧс асьсӧ мед виасны.

Лыд 35:31

Энӧ босьтӧй вештысян донсӧ морт виысьлысь, кодӧс мыждӧма, ӧд сійӧс колӧ вины.

Индӧд 13:8

сэки эн кӧсйысь да эн кывзы сійӧс. Эн нормы сьӧлӧмнад сы дінӧ, эн жалит, эн дорйы,

Индӧд 19:12

сэки сылӧн карысь юрнуӧдысьяс мед мӧдӧдасны ассьыныс йӧзсӧ морт виысьла. Найӧ мед бӧр вайӧдасны морт виысьӧс да сетасны сійӧс водзӧс перйысьлӧн киӧ, ӧд виысьлы колӧ кувны.

Индӧд 19:21

Энӧ нормӧй сьӧлӧмнаныд лёк вӧчысь дінӧ. Олӧмысь перйы олӧм, синмысь – син, пиньысь – пинь, киысь – ки, кокысь – кок. [Кыдзи сійӧ дойдаліс ассьыс матыссасӧ, сылы сідзи жӧ мед вӧчасны.]»

Индӧд 21:9

Вӧчанныд кӧ Господь [тіян Ен] водзын [бурсӧ да] шогманасӧ, ті вештанныд ас вывсьыныд мыжтӧмлысь вирсӧ».

Индӧд 25:12

тайӧ гӧтырыслысь керыштӧй кисӧ. Энӧ нормӧй сьӧлӧмнаныд сы дінӧ.

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.