Индӧд 18:10 - Коми Библия 2023

¹⁰ Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Индӧд 18:10 Iomraidhean Croise

Олӧм 44:5

Тайӧ дозмуксьыс юӧ менам ыджыдӧй, тшӧтш тунасьӧ сы отсӧгӧн. Ті лёктор вӧчинныд”».

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Ӧксыяслӧн 4 небӧг 17:17

Ныв-пинысӧ найӧ сотісны вись пыдди, тунасисны да тшыкӧдчисны. Найӧ сетчисны лёкас, вӧчисны Господь водзын шогмытӧмсӧ, тадзи скӧрмӧдісны Господьӧс.

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 23:24

Иосей бырӧдіс кулӧмаӧс корысьясӧс да тунасьысьясӧс, гортса бӧлбанъясӧс, идолъясӧс да став пежторсӧ, мый вӧлі Иуда муын да Ерусалимын. Тадзи сійӧ збыльмӧдіс Индӧд кывъяссӧ, мый вӧлі гижӧма небӧгӧ, кодӧс аддзис Господьлӧн крамысь Хилки поп.

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Петӧм 22:17

Но нылыслӧн батьыс кӧ оз сет нывсӧ, ылӧдлысь мед вештысяс [ныв батьлы] гӧтырпулысь донсӧ.

Петӧм 22:18

Тунасьысь аньӧс ловйӧн эн коль.

Исай 47:13

Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Еремей 27:10

Ӧд найӧ юӧртӧны тіянлы ылӧгсӧ, медым ылыстны тіянӧс асланыд муысь. Кывзанныд кӧ найӧс, Ме вӧтла тіянӧс, и ті куланныд.

Еремей 27:9

Энӧ кывзӧй ассьыныд пророкъяснытӧ, туналысьяснытӧ, вӧтъяс висьталысьяснытӧ, кимӧститчысьяснытӧ да тшыкӧдчысьяснытӧ, кодъяс шуалӧны тіянлы, ті пӧ онӧ кутӧй кесъявны вавилонса ӧксылы.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Левит 19:26

Энӧ сёйӧй яйсӧ вирнас. Энӧ тунасьӧй, энӧ кимӧститчӧй.

Левит 19:31

Кулӧмаӧс корысь да туналысь дінӧ энӧ шыасьӧй, насянь асьнытӧ энӧ пежалӧй. Ме – Господь, тіян Енныд.

Левит 20:6

Коді шыасяс кулӧмаӧс корысь либӧ туналысь дінӧ да кырсалысь ань моз мунас на бӧрся, сылы Ме паныд сувта да бырӧда сійӧс войтыр пӧвстысь.

Микей 5:12

Ме бырӧда тіянлысь тунасьӧмнытӧ, кимӧститчысьяс оз лоны тіян пӧвстын.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Ап. уджъяс 19:19

Тшыкӧдчысьяс пиысь унаӧн вайисны небӧгъяснысӧ да став йӧз водзас сотісны. Небӧгъяслӧн доныс, артыштісны да, ветымын сюрс эзысь лои.

Ап. уджъяс 8:9

Тайӧ карас оліс Симон нима морт. Аслас туналӧмӧн сійӧ шензьӧдліс Самарияын олысьясӧс. Асьсӧ сійӧ ыджыд мортӧ пуктіс.

Галатӧ 5:20

идоллы юрбитӧм, тшыкӧдчӧм, лӧгалӧм, пинясьӧм, вежӧгтӧм, скӧралӧм, асьтӧ радейтӧм, юксьӧм, ылӧгвелӧдӧм,

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Ӧксыяслӧн 1 небӧг 15:23

Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.

Ӧксыяслӧн 1 небӧг 28:3

Самуил кор куліс, став Израиль ёна бӧрдіс-шогсис сы вӧсна. Дзебисны сійӧс аслас Рама карӧ. Та бӧрын Саул вӧтлаліс аслас муысь кулӧмаӧс корысьясӧс да тунасьысьясӧс.

Ӧксыяслӧн 1 небӧг 28:7

Саул шуис аслас кесйӧгъяслы: «Корсьӧй меным аньӧс, коді вермӧ корны кулӧмаӧс. Ме ветла сы дінӧ отсӧгла». Кесйӧгъяс вочавидзисны: «Эн-Дорын эм татшӧм аньыс».

Ӧксыяслӧн 1 небӧг 28:8

Саул вежис паськӧмсӧ, медым сійӧс эз тӧдны, босьтіс аскӧдыс кык мортӧс да петіс туйӧ. Войнас сійӧ локтіс ань дорӧ да шуис: «Кора тэнӧ, тунав меным. Кор меным ловсӧ сылысь, кодлысь нимсӧ ме шуа».

Ӧксыяслӧн 1 небӧг 28:9

Но ань вочавидзис: «Тэ ӧд тӧдан, мый вӧчис Саул кулӧмаӧс корысьяскӧд да тунасьысьяскӧд. Сійӧ вӧтліс найӧс аслас муысь. Мыйла тэ сюян менӧ налькйӧ, тойлалан менӧ кулӧмӧ?»