Индӧд 17:20 - Коми Библия 2023

²⁰ Аслас вокъясысь вылӧджык мед асьсӧ оз пукты, Индӧдысь веськыдвылӧ ни шуйгавылӧ мед оз кеж. Сэки сійӧ да сысянь чужысьяс кутасны дыр юравны Израильын».

Индӧд 17:20 Iomraidhean Croise

Ӧксыяслӧн 2 небӧг 22:23

Став Сылысь тшӧктӧмъяссӧ пыр куті тӧд вылын, Сылӧн велӧдӧмысь эг кежлы.

Ӧксыяслӧн 3 небӧг 11:34

Ме ог босьт Соломонлысь юралӧмсӧ, ӧд пукті сійӧс юравны олӧм помӧдзыс. Тадзи вӧча Аслам Давид кесйӧгӧй вӧсна, кодӧс Ме бӧрйи да коді оліс Менам индӧд-тшӧктӧмъяс серти.

Ӧксыяслӧн 3 небӧг 11:36

Соломонлӧн пиыслы коля ӧти чужанкотыр, медым Менам Давид кесйӧгсянь чужысь юралас нэмъяс чӧж Ме водзын Ерусалим карын, мый Ме бӧрйи Аслым, медым сэні вӧлі Менам нимӧй.

Ӧксыяслӧн 3 небӧг 15:3

Авий вӧчис сійӧ жӧ мыжъяссӧ, мый вӧчліс сылӧн батьыс. Авийлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид пӧльыслӧн.

Ӧксыяслӧн 3 небӧг 15:5

Ӧд Давид вӧчис Господь водзын шогманасӧ, став олӧм чӧжыс сійӧ эз кежлыв Господьлӧн тшӧктӧмъясысь, сы кындзи, мый вӧчис хеттей Урийлы.

Ӧксыяслӧн 3 небӧг 2:3

Вӧч, мый тшӧктӧ Господь, тэнад Енмыд. Ветлы Сылӧн туйӧд да ов Сылӧн индӧд-тшӧктӧмъяс серти, мый гижӧма Мӧисейлӧн Индӧдын. Сэки тэнад артмас ставыс, мый мӧвпыштан да мый кутан вӧчны.

Ӧксыяслӧн 4 небӧг 10:30

Господь шуис Ехулы: «Тэ веськыда вӧчин Ахав рӧдкӧд, и тайӧ Менам син водзын шогмана. Та вӧсна тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын».

Ӧксыяслӧн 4 небӧг 14:10

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

2 Каднебӧг 25:19

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

2 Каднебӧг 33:12

Сьӧкыдалігас Манассей кутіс кевмысьны Господьлы, аслас Енлы. Сійӧ раммӧдчис аслас батьяслӧн Ен водзын.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

2 Каднебӧг 34:27

”Тэ небзьӧдін сьӧлӧмтӧ да раммӧдчин Ме водзын, кор тэ кылін, мый Ме висьтавлі тайӧ карыс да сэні олысьяс йылысь. Тэ раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

Шусьӧгъяс 10:27

Господьысь полӧмыд нэмтӧ нюжӧдӧ, но лёк вӧчысьлӧн олан луныс чинӧ.

Шусьӧгъяс 27:24

Озырлуныд ӧд абу пыр кежлӧ, дай юралан пуклӧсыд оз век аслад рӧдлы вудж.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Аввакум 2:4

Эскытӧм морт абу веськыд, а веськыда олысь эскӧмнас кутас овны.

2 Коринфӧ 12:7

Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

Индӧд 12:25

Эн сёй вир, а вӧч Господь [аслад Ен] водзын [бурсӧ да] шогманасӧ, медым тэныд да тэсянь чужысьяслы вӧлі бур [нэмъяс чӧж].

Индӧд 12:28

Кывзӧй да олӧй тайӧ кывъясыс серти, мый висьтала тіянлы. Вӧчанныд кӧ Господь Енныд водзын бурсӧ да шогманасӧ, тіянлы да тіянсянь чужысьяслы лоӧ бур нэмъяс чӧж».

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 17:11

Индӧд серти, мыйӧ найӧ велӧдасны тіянӧс. Энӧ вешйӧй веськыдвылӧ ни шуйгавылӧ веськыда мыждӧмысь.

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Ӧксыяслӧн 1 небӧг 10:25

Самуил висьталіс войтырыслы, мый вермас вӧчны накӧд ӧксы. Ставсӧ тайӧс гижис небӧгӧ да пуктіс вежаинӧ Господь водзӧ. Сэсся лэдзис войтырсӧ мунны гортаныс.

Ӧксыяслӧн 1 небӧг 15:23

Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.