Индӧд 17:17 - Коми Библия 2023

¹⁷ Ӧксылӧн мед оз ло уна гӧтыр, ӧд та вӧсна сылӧн сьӧлӧмыс кежас Господьысь. Сылы оз ков чукӧртны унасьыс-уна эзысь-зарни.

Индӧд 17:17 Iomraidhean Croise

Олӧм 2:24

Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй».

Ӧксыяслӧн 2 небӧг 12:11

Господь тадзи висьталӧ: ”Аслад жӧ керкаысь Ме вайӧда тэ вылӧ лёксӧ. Тэнад син водзын Ме босьта тэнсьыд гӧтыръястӧ да сета найӧс тэнад матысса мортлы. Сійӧ кутас узьлыны накӧд лунъюгыднас.

Ӧксыяслӧн 2 небӧг 5:13

Хевронысь Ерусалимӧ локтӧм бӧрын Давид босьтіс сэтчӧс аньяс пиысь нӧшта аслыс гӧтыръясӧс.

Ӧксыяслӧн 3 небӧг 10:21

Соломон ӧксылӧн став юан дозйыс вӧлі зарниысь, а ливанса пуысь вӧчӧм керкаын став дозмук-кӧлуйыс вӧлі весалӧм зарниысь. Соломон веськӧдлан кадӧ эзысьсӧ эз вылӧ донъявны, та вӧсна эзысьысь вӧчӧмторйыс эз вӧв.

Ӧксыяслӧн 3 небӧг 10:27

Соломон ӧксы дырйи Ерусалимын эзысьыс вӧлі из мында, а сус пуыс вӧлі сы мында, мыйта вӧлі керӧсбердса муын быдмысь инжир пуыс.

1 Каднебӧг 14:3

Ерусалимын Давид босьтіс нӧшта аслыс гӧтыръясӧс. Сылӧн чужисны нӧшта на ныв-пи.

2 Каднебӧг 1:15

Соломон ӧксы дырйи Ерусалимын эзысь-зарниыс вӧлі из мында, а сус пуыс вӧлі сы мында, мыйта вӧлі керӧсбердса муын быдмысь инжир пуыс.

2 Каднебӧг 11:21

Аслас став гӧтырыс пӧвстысь Ровоам ёнджыка радейтіс Авессаломлысь Маака нывсӧ. Ровоамлӧн вӧлі дас кӧкъямыс гӧтыр да квайтымын кесйӧг-гӧтыр. Найӧ чужтісны сылы кызь кӧкъямыс пиӧс да квайтымын нылӧс.

Неемий 13:26

Эз-ӧ на вӧсна Израильлӧн Соломон ӧксы мыжсӧ вӧч? Некутшӧм войтырлӧн эз вӧв Соломон кодь ӧксыыс. Сылӧн Енмыс радейтіс сійӧс, и пуктіс сійӧс ӧксыӧ став Израильлы. Но мукӧд войтырысь босьтӧм гӧтыръясыс кыскисны сійӧс мыжас.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Шусьӧгъяс 31:3

Эн сет вынтӧ аньяслы, ӧксыясӧс уськӧдысь аньяс мед оз бергавны тэ гӧгӧр.

Малакий 2:15

Тадзи оз вӧч сійӧ, код пытшкын Енлӧн лолыс. Мый сійӧ корсьӧ? Медым вӧліны Енсянь чужысьяс. Сідзкӧ, видзӧй ловнытӧ, энӧ эновтӧй том кадӧ босьтӧм гӧтырнытӧ.

Матвей 13:22

Лежнӧг пӧвстӧ усьӧм кӧйдысыс петкӧдлӧ: мортыс кылӧ Енлысь кывсӧ, но быдлунъя тӧждыс да озырмыны ыштӧмыс пӧдтӧ кӧдзӧм кывсӧ, и сійӧ оз вай вотӧссӧ.

Матвей 19:5

Ен шуис: ”Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй”.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.