Индӧд 16:18 - Коми Библия 2023

¹⁸ «Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Индӧд 16:18 Iomraidhean Croise

1 Каднебӧг 23:4

На пӧвстысь вӧлі индӧма кесъявны Господьлӧн крамын кызь нёль сюрс мортӧс, квайт сюрс мортӧс вӧлі индӧма лоны гижалысьясӧн да ёрдысьясӧн.

1 Каднебӧг 26:29

Ицгар рӧдысь Кенанийӧс да сылысь пиянсӧ вӧлі индӧма Израиль войтырлӧн гижалысьясӧн да ёрдысьясӧн.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Петӧм 21:22

Зык-вен дырйи кӧ морт вачкас кынӧма аньӧс, и кагаыс петас, но кага воштӧмысь ӧтдор аньлӧн мукӧдлаті оз доймав, таысь мыжаыс мед вештысяс, мыйта шуас аньлӧн верӧсыс либӧ ёрдысь.

Петӧм 21:6

сэки ыджыдыс мед вайӧдас сійӧс Ен водзӧ, сувтӧдас ӧдзӧс либӧ ӧдзӧс курич бердӧ да пельсӧ розьӧдас шылаӧн. Та бӧрын тайӧ кесйӧгыс кольӧ сы ордӧ пыр кежлӧ.

Шусьӧгъяс 31:23

Верӧсыс сылӧн пыдди пуктана, юрнуӧдысьяслӧн чукӧртчӧмын сійӧ пукалӧ.

Матвей 5:21

«Ті кывлінныд, важ йӧзлы вӧлі шуӧма: ”Эн ви”, и нӧшта шуӧма: ”Виысьӧс мыждасны”.

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Индӧд 16:17

но быдӧн мед ваяс козин сы серти, мыйӧн бурсиас сійӧс Господь, тіян Енныд».

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Индӧд 17:9

Матыстчӧй сэні поп-левитъяс дінӧ да сійӧ кадас уджалысь ёрдысь дінӧ и юалӧй налысь. Найӧ висьталасны, кыдзи колӧ веськыда мыждыны.

Индӧд 21:2

сэки юрнуӧдысьяс да ёрдысьяс мед локтасны сэтчӧ да артыштасны туйсӧ матігӧгӧрса каръясӧдз.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Ӧксыяслӧн 1 небӧг 8:1

Кор Самуил пӧрысьмис, сійӧ пуктіс ассьыс пиянсӧ Израиль войтырлы ёрдысьясӧ.