Индӧд 15:4 - Коми Библия 2023

⁴ Сійӧ муас, мый Господь, тіян Енныд, пыр кежлӧ сетас тіянлы, Господь озыра бурсиас тіянӧс. Тіян пӧвстын оз лоны гӧльяс,

Индӧд 15:4 Iomraidhean Croise

Шусьӧгъяс 14:21

Коді матыссасӧ мустӧмтӧ, сійӧ мыж вӧчӧ, коді гӧль морт дінӧ бур сьӧлӧма, сійӧ – майбыр.

Шусьӧгъяс 28:27

Гӧльлы сетысь оз гӧльмы, а коді оз отсав гӧльлы, сійӧс ёрӧм суас.

Индӧд 14:29

медым левитъяс, кодъяслӧн абу му юкӧныс, а сідзжӧ йӧз муысь локтысьяс, батьтӧм-мамтӧмъяс да дӧваяс, кодъяс олӧны тэнад карын, вермисны локны да пӧттӧдзныс сёйны. Сэки Господь, тэнад Енмыд, бурсиас тэнӧ быд уджын».

Индӧд 15:5

сӧмын понданныд кӧ сьӧлӧмсяньныд кывзысьны Господьлысь, асланыд Енлысь, да овны став тайӧ тшӧктӧмыс серти, мый талун висьтала тіянлы.

Индӧд 28:11

Господь [тіян Енныд] быдторйын озырмӧдас тіянӧс. Тіян лоӧ уна ныв-пи, ыж-мӧс да мувыв быдтас-вотӧс сійӧ муас, мый Господь батьясныдлы кыв сетӧмӧн кӧсйысис сетны тіянлы.

Индӧд 3:18

Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 4:21

Господь скӧрмис ме вылӧ тіян вӧсна да кыв сетӧмӧн шуис, мый ме ог вудж Йӧрдан ю сайӧ да ог пыр сійӧ бур муас, мый Господь, тіян Енныд, сетас тіянлы пыр кежлӧ.