Индӧд 14:29 - Коми Библия 2023

²⁹ медым левитъяс, кодъяслӧн абу му юкӧныс, а сідзжӧ йӧз муысь локтысьяс, батьтӧм-мамтӧмъяс да дӧваяс, кодъяс олӧны тэнад карын, вермисны локны да пӧттӧдзныс сёйны. Сэки Господь, тэнад Енмыд, бурсиас тэнӧ быд уджын».

Индӧд 14:29 Iomraidhean Croise

Псалтыр 41:1

Сьылысьясӧн веськӧдлысьлы. Корей пиянлӧн сьыланкыв.

Псалтыр 41:2

Кыдзи горш косьмигас кӧр тэрмасьӧ визув ва дорӧ, сідзи менам лолӧй ёна кӧсйӧ Тэ дінӧ, Енмӧй.

Псалтыр 94:6

Локтӧй да копыртчамӧй Господь водзӧ, сувтамӧй пидзӧс выланым миянӧс Вӧчысь водзӧ.

Шусьӧгъяс 11:24

Лышкыда сетысьлы содӧ, топыд морт ӧтарӧ гӧльмӧ.

Шусьӧгъяс 19:17

Гӧль мортлы отсалысь водзӧсӧн сетӧ Господьлы, ӧд Господь мынтысяс сылы бурсӧ вӧчӧмысь.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Левит 19:34

Йӧз муысь локтысьясӧс, кодъяс олӧны тіян пӧвстын, лыддьӧй вужвойтырӧн. Радейтӧй найӧс асьнытӧ моз. Ӧд Египетын ті асьныд вӧлінныд локтысь войтырӧн. Ме – Господь, тіян Енныд.

Лыд 18:20

Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Лука 11:41

Сетӧй корысьяслы, мый дозмук пытшкас. Сэки ставыс тіян лоӧ сӧстӧм.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Индӧд 10:9

Та вӧсна Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи шуис Господь, тіян Енныд.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 14:27

Левитӧс, коді олӧ тэнад карын, эн вунӧд, ӧд сылӧн абу му юкӧныс, а тэнад эм.

Индӧд 15:10

Сет сылы лышкыда [и уджйӧзӧн сет, мыйта корӧ да мыйта сылы колӧ]. Сетігад сьӧлӧмыд мед оз шогсьы, ӧд гӧль воклы сетӧмсьыд Господь, тэнад Енмыд, бурсиас тэнӧ быд уджын.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 16:14

Гажӧдчӧй ныв-пиныдкӧд, кесйӧгъясныдкӧд, левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян карын.

Индӧд 23:21

Аслад Господь Енлы кӧ кыв сетан, вӧч ньӧжмасьтӧг, ӧд Господь, тэнад Енмыд, виччысьӧ, мый тэ кыв сетӧмтӧ збыльмӧдан, а он кӧ, тэ мыжа лоан.

Индӧд 28:8

Господь бурсиас тіянӧс да тіянлысь нянь йӧртӧднытӧ. Господь, тіян Енныд, бурсиас тіянӧс быд уджын сійӧ муас, мый сетас тіянлы.

Индӧд 6:11

эмбур тыра керкаяс, кытчӧ эмбурсӧ ті асьныд энӧ лӧсьӧдлӧй, юкмӧсъяс, мый ті энӧ кодйылӧй, виноград да олив пу йӧръяс, кытчӧ пусӧ ті асьныд энӧ пуктылӧй. Кор ті пӧттӧдзныд сёянныд,

Еврейяслы 13:2

Энӧ вунӧдӧй сибӧдны ветлысь-мунысьясӧс. Тадзи вӧчигӧн ӧткымынӧн сибӧдісны анделъясӧс, весиг асьныс та йылысь эз тӧдны.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.