Индӧд 14:26 - Коми Библия 2023

²⁶ Сэні эзысь вылӧ ньӧб ӧшъясӧс, ыжъясӧс да вина-сур – ставсӧ, мый кӧсъян. Сэсся аслад Господь Ен водзын сёй-ю да гажӧдчы аслад котыркӧд ӧтвылысь.

Индӧд 14:26 Iomraidhean Croise

Ездра 7:22

Корас кӧ, сетӧй сылы эзысьсӧ весиг сё талант мында, шабдісӧ сё кор мында, винасӧ сё бат мында да олив выйсӧ сё бат мында, а совсӧ – артавтӧг.

Псалтыр 106:14

Сійӧ петкӧдіс найӧс пемыдсьыс, сап пемыдсьыс, жугліс налысь чепъяссӧ.

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

Матвей 21:12

Исус пырис Енлӧн крамӧ да вӧтлаліс сэтысь став вузасьысь-ньӧбасьысьсӧ, пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ.

Марк 11:15

Сэсся найӧ локтісны Ерусалимӧ. Крамӧ пырӧм бӧрын Исус пондіс вӧтлавны сэтысь вузасьысь-ньӧбасьысьясӧс. Пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ,

1 Коринфӧ 10:6

Ставыс тайӧ велӧдӧ миянӧс, медым миян сьӧлӧмын эз вӧв кӧсйӧм – на моз вӧчны лёксӧ.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 12:15

Кор Господь бурсиас тіянӧс да сетас тіянлы ыж-мӧскӧс, сэки ті верманныд асланыд кӧсйӧм серти начкыны да сёйны ыж-мӧснытӧ быдлаын, кӧні оланныд. И сӧстӧм, и пежасьӧм морт вермас сёйны тайӧ яйсӧ газель да кӧр яй моз.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 12:7

Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.

Индӧд 14:25

сэки веж сійӧс эзысь вылӧ да эзысьнас мун сійӧ местаас, мый бӧръяс Господь, тэнад Енмыд.

Индӧд 26:11

Нимкодясь став бурторнас, мый сетіс тэныд да тэнад котырыдлы Господь, тэнад Енмыд. Левитъяс да йӧз муысь локтысьяс тэкӧд ӧтвылысь мед нимкодясясны.