Индӧд 13:17 - Коми Библия 2023

¹⁷ Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 13:17 Iomraidhean Croise

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

Псалтыр 85:3

Господьӧй, ло бур сьӧлӧма ме дінӧ, быд лун ме шыася Тэ дінӧ.

Петӧм 20:6

А налы, кодъяс радейтӧны Менӧ да олӧны Менам тшӧктӧмъяс серти, Ме петкӧдла Ассьым буралӧмӧс сюрс чужанвужйӧдз.

Петӧм 32:12

Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Бӧрданкыв 3:32

Мӧдӧдӧ кӧ шогсӧ, Сійӧ и бурсьӧлӧмтчӧ, ӧд Сылӧн бурлуныс ыджыд.

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Лыд 25:4

Господь шуис Мӧисейлы: «Чукӧрт войтырлысь веськӧдлысьяссӧ да ставныслы аддзымӧнъя Ме водзын ӧшӧд найӧс пу вылӧ. Та бӧрын Менам скӧрлунӧй вешъяс Израиль войтыр дінысь».

1 Коринфӧ 16:22

Коді оз радейт Господь Исус Кристосӧс, сійӧс лоӧ ёрӧма. Маран-афа.

Индӧд 13:18

Тадзи лоӧ, ті кӧ кутанныд кывзысьны Господьлысь, асланыд Енлысь, овны став Сылӧн тшӧктӧмыс серти, мый талун висьтала тіянлы, и вӧчны Господь Енныд водзын [бурсӧ да] шогманасӧ».

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Индӧд 30:5

да вайӧдас батьясныдлӧн муӧ, и ті бара босьтанныд сійӧс аслыныд. Сійӧ вӧчас тіянлы бурсӧ, батьясныдлы дорысь тіянлы унджык чужысьӧс сетас.

Индӧд 7:13

Сійӧ пондас радейтны тіянӧс да бурсины тіянӧс, сетас тіянлы уна ныв-пи. Сійӧ бурсиас тіянсянь чужысьясӧс, тіянлысь мувыв быдтастӧ, няньтӧ, винатӧ, олив выйтӧ да ыж-мӧстӧ сійӧ муас, мый тіян батьяслы кыв сетӧмӧн кӧсйысис сетны тіянлы.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

Нав Исус 22:20

Ӧд кор Зерахлӧн Акан пиыс торкис Господьлы сиӧмтор йылысь тшӧктӧм, сэки став Израиль войтыр вылӧ лэччис Господьлӧн скӧрлуныс. Аслас мыж вӧсна эз ӧтнас Акан кув».

Нав Исус 6:18

Став эзысь-зарнисӧ, ыргӧн да кӧрта кӧлуйсӧ колӧ вежӧдны-торйӧдны Господьлы да вайны Сылы озырлун видзанінӧ».

Нав Исус 6:24

Раавӧс, кырсалысь аньӧс, сылысь став гортсасӧ да батьыслысь рӧдсӧ Исус ловйӧн колис. Раавлӧн рӧдыс ӧнӧдз олӧ израильсаяс пӧвстын, ӧд сійӧ дзебліс ас ордас Ерикон карӧ кыйӧдчыны волысьясӧс, кодъясӧс мӧдӧдліс Исус.

Нав Исус 6:26

Исус нималіс став му пасьталаыс, ӧд Господь вӧлі сыкӧд.

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Нав Исус 7:26

Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.

Нав Исус 8:28

Гай карсӧ Исус сотіс. Тайӧ карыс пыр кежлӧ овтӧмӧн колис, ӧнӧдз сійӧ татшӧм.