Индӧд 12:28 - Коми Библия 2023

²⁸ Кывзӧй да олӧй тайӧ кывъясыс серти, мый висьтала тіянлы. Вӧчанныд кӧ Господь Енныд водзын бурсӧ да шогманасӧ, тіянлы да тіянсянь чужысьяслы лоӧ бур нэмъяс чӧж».

Индӧд 12:28 Iomraidhean Croise

Ӧксыяслӧн 4 небӧг 17:31

Авваысь локтысьяс – Нивхаз да Тартак бӧлбанъясӧс. Сепарваимысь локтысьяс асланыс Адрамелек да Анамелек енъяслы вись пыдди сотісны ассьыныс ныв-пинысӧ.

2 Каднебӧг 7:17

Кутан кӧ тэ ветлыны Менам чужӧмбан водзын Давид батьыд моз, кутан кӧ вӧчны ставсӧ, мый Ме тшӧкта тэныд, кутан кӧ овны Менам индӧд-тшӧктӧмъяс серти,

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Псалтыр 105:45

Сійӧ эз вунӧд накӧд кӧрталӧм йитӧдсӧ, ыджыд буралӧмыс кузя Сійӧ бурсьӧлӧмтчис на дінӧ,

Петӧм 34:11

Олӧй сы серти, мый ӧні тшӧкта тіянлы. Ме вӧтла тіян водзысь аморейясӧс, ханаансаясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Езекиль 37:24

Менам Давид кесйӧгӧй лоӧ налӧн ӧксынас да видзысьнас. Найӧ пондасны овны Менам индӧд-тшӧктӧмъяс серти.

Левит 19:37

Кутчысьӧй Менам индӧд-тшӧктӧмъясӧ, олӧй на серти. Ме – Господь [тіян Енныд]».

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 15:14

Оланныд кӧ Менам тшӧктӧм серти, ті – Менам ёртъяс.

Иоан 15:3

Ті сӧстӧмӧсь нин, ӧд Менам кывъясӧй весалісны тіянӧс.

Индӧд 12:25

Эн сёй вир, а вӧч Господь [аслад Ен] водзын [бурсӧ да] шогманасӧ, медым тэныд да тэсянь чужысьяслы вӧлі бур [нэмъяс чӧж].

Индӧд 24:8

Проказа висьӧм дырйи ставсӧ вӧчӧй [Индӧд серти], кыдзи велӧдасны тіянӧс поп-левитъяс. Ставсӧ вӧчӧй сідзи, кыдзи ме тшӧкті налы.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».